ອີງຕາມໂທລະພາບແຫ່ງຊາດອີຣັກລາຍງານວ່າ, ເມື່ອໄດ້ສູ້ຣົບກັນຢ່າງດຸເດືອດເປັນເວລາຫຼາຍຊົ່ວໂມງ, ລັດຖະບານອີຣັກໄດ້ຍຶດຄືນເມືອງຣາວາ ຖານທັບແຫ່ງສຸດທ້າຍຂອງກຸ່ມ IS ຢູ່ປະເທດຕົນ.
ກອງບັນຊາການເຄື່ອນໄຫວຮ່ວມອີຣັກກ່າວວ່າ, ທະຫານລັດຖະບານຍັງຕ້ອງການເວລາມ້າງສິ່ງລະເບີດທີ່ຕົກຄ້າງຈາກກອງປະກອບອາວຸດ IS. ນອກນີ້, ທະຫານລັດຖະບານສືບຕໍ່ເຄື່ອນໄປໜ້າ, ເພື່ອກຳຈັດພວກປະກອບອາວຸດທີ່ໜີໄປເຂດອ້ອມເມືອງຣາວາ, ເພື່ອຄວບຄຸມເຂດຢູ່ພາກເໜືອອີຣັກທີ່ໃກ້ຊາຍແດນກັບຊີຣີ.
ການທີ່ເສຍເມືອງຣາວານັ້ນເຮັດໃຫ້ກຸ່ມ IS ຖືກເສຍຫາຍຢ່າງໜັກ, ຜູ້ປະກອບອາວຸດຂອງພວກເຂົ້າເຈົ້າຖືກບັງຄັບໜີໄປເຂດທະເລຊາຍຢູ່ພາກຕາເວັນຕົກຂອງອີຣັກ, ຈຶ່ງມີການຂົ່ມຂູ່ຄວາມໝັ້ນຄົງຕໍ່ອີຣັກໜ້ອຍລົງຕື່ມອີກ.
ປີ2014, ກຸ່ມ IS ໄດ້ຄວບຄຸມຜືນແຜ່ນດິນສ່ວນຫຼາຍຂອງພາກເໜືອແລະພາກຕາເວັນຕົກຂອງອີຣັກ. ໂດຍຜ່ານການສູ້ລົບ 3 ປີກວ່າ, ທະຫານລັດຖະບານອີຣັກໄດ້ຍຶດຄືນຜືນແຜ່ນດິນສ່ວນຫຼາຍແລ້ວ.