ກອງປະຊຸມພາຄີ "ສົນທິສັນຍາຂອບການປ່ຽນແປງດິນຟ້າອາກາດສະຫະປະຊາຊາດ" ຄັ້ງທີ 23 ຫຼື COP23 ໄດ້ອັດລົງຢູ່ເມືອງບອນ ປະເທດເຢັຍລະມັນໃນຕອນຮຸ່ງເຊົ້າວັນທີ 18 ພະຈິກນີ້. ຫຼັງກອງປະຊຸມສິ້ນສຸດລົງ, ທ່ານເຊ້ເຈີ້ນຮວາ ຜູ້ຕາງໜ້າພິເສດວຽກງານການປ່ຽນແປງດິນຟ້າອາກາດຂອງຈີນກ່າວວ່າ, ຈີນຊົມເຊີຍ ແລະ ສະໜັບສະໜູນຜົນງານທາງບວກຕ່າງໆທີ່ຊື່ວ່າ "ກຳລັງຊຸກດັນການປະຕິບັດງານຟີຈີ"ທີ່ຮັບຮອງໃນກອງປະຊຸມຄັ້ງນີ້, ແລະການສ້າງເປັນເອກະສານເຈລະຈາທີ່ດຸນດ່ຽງກັນກ່ຽວກັບບັນຫາດ້ານຕ່າງໆທີ່ເກີດຂຶ້ນໃນການຈັດຕັ້ງປະຕິບັດ "ສັນຍາປາຣີ", ໄດ້ກຳນົດຮູບການຈັດຕັ້ງການສົນທະນາເພື່ອຊຸກຍູ້ການປະຕິບັດງານໃນປີ 2018, ໂດຍສະເພາະໄດ້ຮັບຮອງແຜນການຕ່າງໆທີ່ເລັ່ງລັດການປະຕິບັດກ່ອນປີ 2020.
ທ່ານເຊ້ເຈີ້ນຮວາຍົກໃຫ້ເຫັນວ່າ, ຜົນໄດ້ຮັບໃນ COP23 ໄດ້ສະແດງໃຫ້ເຫັນ ແລະ ປັບປຸງກຳລັງການເມືອງແຫ່ງການຮ່ວມມືສາກົນເພື່ອຮັບມືກັບການປ່ຽນແປງດິນຟ້າອາກາດ ແລະ ຊຸກຍູ້ການພັດທະນາແບບສີຂຽວແລະກາກບອນຕ່ຳທົ່ວໂລກ. ເຖິງວ່າຍັງມີບາງຈຸດຍັງບໍ່ເຜິ່ງປະຖາໜາກໍ່ຕາມ, ແຕ່ໄດ້ສ່ອງແສງໃຫ້ເຫັນບັນຫາທີ່ຝ່າຍຕ່າງໆສົນໃຈຢ່າງດຸນດ່ຽງ, ຂະນະທີ່ຈີນກໍ່ຂອບໃຈຫຼາຍທີ່ບັນດາປະເທດສະແດງອອກຢ່າງຄ່ອງແຄ້ວ ແລະ ສ້າງສັນ, ເຊິ່ງໄດ້ຮັກສາຄວາມມີປະສິດທິຜົນ ແລະ ໃຫ້ຝ່າຍຕ່າງໆໄວ້ເນື້ອເຊື່ອໃຈກັນໃນຂະບວນການຫຼາຍຝ່າຍ, ສ້າງພື້ນຖານທີ່ດີເພື່ອດຳເນີນການເຈລະຈາ "ສັນຍາບາຣີ" ໃຫ້ສຳເລັດຕາມແຜນການ, ເພີ່ມທະວີການເຄື່ອນໄຫວ ແລະ ການສະໜັບສະໜູນເພື່ອຮັບມືກັບການປ່ຽນແປງດິນຟ້າອາກາດຢ່າງຕໍ່ເນື່ອງ.
ທ່ານເຊ້ເຈີ້ນຮວາກ່າວເນັ້ນວ່າ, ໜ້າທີ່ປີ 2018ຍັງລຳບາກຫຼາຍ. ຂະນະທີ່ຄະນະຜູ້ແທນຈີນກໍ່ໄດ້ກຽມພ້ອມແລ້ວ. ບໍ່ພຽງແຕ່ຈະຕ້ອງເຮັດວຽກງານພາຍໃນປະເທດເພື່ອຮັບມືກັບການປ່ຽນແປງດິນຟ້າອາກາດໃຫ້ດີເທົ່ານັ້ນ, ຍັງຈະຖືຈິດໃຈທີ່ ສ້າງປະຊາຄົມຮ່ວມຊາຕາກຳມວນມະນຸດ, ຕັ້ງໜ້າປະກອບສ່ວນທາງສະຕິປັນຍາຂອງຈີນ ແລະພະຍາຍາມເພື່ອໃຫ້ກອງປະຊຸມປີໜ້າຈັດຂຶ້ນຢ່າງສຳເລັດຜົນ.