ວິທະຍາໄລສິລະປະກອນຈີນ-ອາຊຽນໄດ້ສ້າງຕັ້ງຂຶ້ນຢ່າງເປັນທາງການໃນວັນທີ 19 ພະຈິກນີ້ຢູ່ມະຫາວິທະຍາໄລເສິງຕູ່ ສປ ຈີນ.
ວິທະຍາໄລສິລະປະກອນຈີນ-ອາຊຽນເປັນໂຄງການກໍ່ສ້າງວັດທະນະທຳການສຶກສາຂອງເມືອງເສິງຕູ່ແລະເພື່ອສະໜັບສະໜູນການພັດທະນາຂອງວິທະຍາໄລດັ່ງກ່າວ, ອົງການປົກຄອງເມືອງເສິງຕູ່ແຂວງເສສວນໄດ້ເຊັນບົດບັນທຶກການຮ່ວມມືກັບສູນຈີນ-ອາຊຽນ ຂະນະທີ່ມະຫາວິທະຍາໄລສິລະປະກອນຂອງອາຊຽນເປັນຕົ້ນ ມະຫາວິທະຍາໄລສິລະປະກອນໄທ,ມະຫາວິທະຍາໄລຕຸນຄູ ອັບດູນ ຣາມານມາເລເຊຍແລະອື່ນໆກໍໄດ້ເຊັນສັນຍາຮ່ວມມືກັບວິທະຍາໄລສິລະປະກອນຈີນ-ອາຊຽນເຊັ່ນດຽວກັນ.
ຜູ້ຮັບຜິດຊອບທີ່ກ່ຽວຂ້ອງຂອງມະຫາວິທະຍາໄລເສິງຕູ່ໃຫ້ຮູ້ວ່າ: ວິທະຍາໄລສິລະປະກອນຈີນ-ອາຊຽນຈະຮ່ວມມືແລະແລກປ່ຽນກັບອາຊຽນແລະປະເທດອື່ນໆທີ່ຢູ່ລຽບຕາມ "ໜຶ່ງແລວທາງໜຶ່ງເສັ້ນທາງ"ເປັນຕົ້ນການແລກປ່ຽນຮ່ຳຮຽນລະຫວ່າງນັກສຶກສາ, ການແລກປ່ຽນຢ້ຽມຢາມທາງວິຊາການຂອງຄູອາຈານ, ການຮ່ວມມືໃນໂຄງການຕ່າງໆລະຫວ່າງມະຫາວິທະຍາໄລ ກໍຄືການສະແດງສິລະປະວັນນະຄະດີເພື່ອການແລກປ່ຽນ ທັງສ້າງຕັ້ງສູນຄົ້ນຄວ້າສິລະປະທີ່ບໍ່ແມ່ນວັດຖຸ, ສູນຄົ້ນຄວ້າສິລະປະອາຊຽນແລະສະຖາບັນແລກປ່ຽນວິຊາການອື່ນໆ.