ໃນໂອກາດຮ່ວມກັບທ່ານນາງໂອຊານຊູຈີ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດມຽນມາຖະແຫຼງຂ່າວຢູ່ນະຄອນຫຼວງເນບີດໍ ປະເທດມຽນມາ, ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນກ່າວວ່າ, ຈີນສະເໜີສ້າງແລວທາງເສດຖະກິດຈີນ-ມຽນມາ, ເພື່ອສ້າງສະພາບການຮ່ວມມືໃຫຍ່.
ທ່ານວາງຢີ້ ກ່າວວ່າ, ຈີນຖືມຽນມາເປັນຄູ່ຮ່ວມມືສຳຄັນທີ່ສ້າງ "ໜຶ່ງແລວທາງໜຶ່ງເສັ້ນທາງ" ຮ່ວມກັນ, ສອງປະເທດມີທ່າແຮງຊ່ວຍຊູກັນຢ່າງຈະແຈ້ງແລະມີກຳລັງບົ່ມຊ້ອນໃນການຮ່ວມມືຢ່າງໃຫຍ່ຫຼວງ. ແລວທາງເສດຖະກິດຈີນ-ມຽນມາສາມາດສ້າງພາບແຫ່ງອະນາຄົດໃໝໃຫ້ແກ່ສອງປະເທດຮ່ວມສ້າງ "ໜຶ່ງແລວທາງໜຶ່ງເສັ້ນທາງ", ຫວັງໃຫ້ຜູ້ຊ່ຽວຊານແລະພາກສ່ວນທີ່ກ່ຽວຂ້ອງຂອງສອງປະເທດຄົ້ນຄວ້າປຶກສາຫາລືຢ່າງມີວິທະຍາສາດແລະລະອຽດໃນດ້ານນີ້, ໂດຍສະເພາະຄວນພິຈາລະນາເຖິງຄວາມຕ້ອງການລະອຽດໃນການພັດທະນາຂອງມຽນມາ, ພະຍາຍາມສ້າງແຜນການຮ່ວມມືທີ່ຕິດແທດຕົວຈິງແລະເປັນໄປໄດ້. ເລີ່ມຕົ້ນຈາກຂົງເຂດທີ່ມີຄວາມຕ້ອງການດ່ວນທີ່ສຸດຂອງມຽນມາ, ແລະເລີ່ມປະຕິບັດໂຄງການທີ່ມີຄວາມຕ້ອງການຫຼາຍທີ່ສຸດຂອງປະຊາຊົນມຽນມາ, ສ້າງສະພາບໃໝ່ແຫ່ງການຮ່ວມມືແບບຕ່າງຝ່າຍຕ່າງມີຜົນປະໂຫຍດເທື່ອລະກ້າວ.
 |
