ວັນທີ 19 ພະຈິກນີ້, ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ສະແດງຄວາມເຫັນຂອງຈີນຕໍ່ສະຖານະການຢູ່ວັດຍະໄຂ່ປະເທດມຽນມາ ແລະສະເໜີວິທີແກ້ໄຂບັນຫາດັ່ງກ່າວດ້ວຍ 3 ໄລຍະ.
ໄລຍະທີໜຶ່ງຄືຢຸດຍິງທັນທີ, ຟື້ນຟູສະຖຽນລະພາບ ແລະສ້າງຄວາມສະຫງົບໃຫ້ແກ່ປະຊາຊົນ. ໄລຍະທີສອງ, ບັນດາຝ່າຍ ແລະປະຊາຄົມໂລກສະໜັບສະໜູນມຽນມາ-ບັງກະລາເດັດໃຫ້ຮັກສາ ແລະເພີ່ມທະວີການເຈລະຈາແບບໄມຕີຈິດມິດຕະພາບ ແລະສະເໝີພາບ ເພື່ອຊອກຊ່ອງທາງແກ້ໄຂບັນຫາດັ່ງກ່າວໂດຍໄວ ແລະໄລຍະທີສາມກ້າຜະເຊີນບັນຫາທີ່ເປັນກົກເຫງົ້າ ແລະປຶກສາຫາລືວິທີແກ້ໄຂບັນຫານີ້.
ທ່ານກ່າວຕື່ມວ່າ: ຈີນມີຈຸດຢືນມາໂດຍຕະຫຼອດທີ່ສະເໜີແກ້ໄຂບັນຫາລັດຍະໄຂ່ໂດຍການເຈລະຈາລະຫວ່າງມຽນມາ-ບັງກະລາເດັດ ແລະສອງປະເທດດັ່ງກ່າວກໍເຫັນດີຕໍ່ວິທີແກ້ໄຂ 3 ໄລຍະຂອງຈີນ. ຂະນະດຽວກັນກໍຫວັງເຊື່ອໝັ້ນວ່າປະເທດຕ່າງໆຈະເຂົ້າໃຈ ແລະສະໜັບສະໜູນການແກ້ໄຂບັນຫານີ້.