ໜັງສືພິມເສດຖະກິດສັງຄົມລາວສະບັບວັນທີ 20 ພະຈິກ 2017 ນີ້ລາຍງານວ່າ: ເສດຖະກິດມະຫາພາກຂອງລາວໃນປີ 2017ນີ້ໂດຍລວມແລ້ວຍັງມີຄວາມໝັ້ນທ່ຽງ, ອັດຕາຂະຫຍາຍຕົວສະເລ່ຍ 6,83% ຕ່ຳກວ່າຄາດໝາຍ 0,17%, ລາຍໄດ້ສະເລ່ຍຕໍ່ຫົວຄົນບັນລຸເຖິງ 2472 ໂດລາສະຫະລັດ, ມີ 6546 ຄອບຄົວໄດ້ຫຼຸດພົ້ນອອກຈາກຄວາມທຸກຍາກ, ລື່ນຄາດໝາຍປະມານ 1000 ຄອບຄົວ. ອັດຕາເງິນເຟີ້ຮັກສາຢູ່ໃນລະດັບ 1,2%, ສ່ວນອັດຕາແລກປ່ຽນເງິນຕາເໜັງຕີງເລັກໜ້ອຍ.