ຕາມຂ່າວ CRI: ທ່ານວາງຢີ້ ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມລັດຖະມົນຕີການຕ່າງປະເທດອາຊີ-ເອີລົບຄັ້ງທີ 13 ຢູ່ນະຄອນຫຼວງເນບີດໍ ປະເທດມຽນມາໃນວັນທີ 20 ພະຈິກນີ້, ແລະໄດ້ປາໄສໂດຍເນັ້ນຫົວຂໍ້ "ຮ່ວມກັນສ້າງສາຍພົວພັນຄູ່ຮ່ວມມືແບບໃໝ່ອາຊີ-ເອີລົບໃນຍຸກໃໝ່".
ທ່ານວາງຢີ້ ກ່າວວ່າ, ພາຍຫຼັງກ້າວເຂົ້າສູ່ຍຸກສະໄໝໃໝ່, ການພົວພັນລະຫວ່າງຈີນກັບໂລກໄດ້ໃກ້ຊິດກວ່າເກົ່າ, ແລະຮ່ວມຊາຕາກຳກັບປະເທດຕ່າງໆໃນໂລກ. ພວກຂ້າພະເຈົ້າຈະສືບຕໍ່ຮ່ວມມືກັບບັນດາຝ່າຍໃນອາຊີແລະເອີລົບຢ່າງໃກ້ຊິດ, ເພື່ອຮ່ວມກັນສ້າງອະນາດຄົດທີ່ດີງາມກວ່າເກົ່າ.
ທ່ານວາງຢີ້ໄດ້ສະເໜີສະເໜີ 3 ຂໍ້ກ່ຽວກັບການຮ່ວມມືອາຊີ-ເອີລົບ:ໜຶ່ງ, ຄວນຮ່ວມກັນຮັກສາສັນຕິພາບແລະສະຖຽນລະພາບຂອງພາກພື້ນ. ສອງ, ຮ່ວມກັນຂຸດຄົ້ນພະລັງໃໝ່ເພື່ອຊຸກຍູ້ໃຫ້ເສດຖະກິດເຕີບໂຕ. ແລະສາມ, ຮ່ວມກັນຄົ້ນຄວ້າຮູບການປັບປຸງແບບຍືນຍົງ.
ໃນໄລຍະເຂົ້າຮ່ວມກອງປະຊຸມດັ່ງກ່າວ, ທ່ານວາງຢີ້ຍັງໄດ້ເຈລະຈາສອງຝ່າຍກັບລັດຖະມົນຕີການຕ່າງປະເທດຫຼາຍທ່ານທີ່ເຂົ້າຮ່ວມກອງປະຊຸມຕື່ມອີກ.