ທ່ານນາຈິບ ຕຸນ ຣາຊັກ ນາຍົກລັດຖະມົນຕີມາເລເຊຍ ຊີ້ໃຫ້ເຫັນຫວ່າງມໍ່ໆມານີ້ວ່າ: ລັດຖະບານໄດ້ພັດທະນາຊັບພະຍາກອນມະນຸດ, ສັງຄົມ ແລະ ຫຼຸດຄວາມແບກຫາບຊີວິດປະຈຳວັນຂອງປະຊາຊົນໃຫ້ໜ້ອຍລົງ ເພື່ອໃຫ້ປະຊາຊົນຮູ້ສຶກມີຄວາມສຸກ ແລະປອງດອງເພີ່ມຂຶ້ນ ສົ່ງຜົນເຮັດໃຫ້ປະເທດຕົນຄອງອັນດັບທີ 42 ໃນການຈັດອັນດັບທີ່ລະບຸໄວ້ໃນ "ບົດລາຍງານຄວາມສຸກໃຈທົ່ວໂລກ 2017" ໂດຍປະກາດໃນ "ເຄືອຂ່າຍພັດທະນາແບບຍືນຍົງ" ຂອງອົງການສະຫະປະຊາຊາດ.
ທ່ານນາຈິບ ຕຸນ ຣາຊັກ ກ່າວຕື່ມວ່າ: ເພື່ອຫຼຸດຜ່ອນການແບກຫາບຊີວິດປະຈຳວັນຂອງປະຊາຊົນໃຫ້ໜ້ອຍລົງ, ລັດຖະບານໄດ້ອະນຸມັດ "ກອງທຶນຊ່ວຍປະຊາຊົນມາເລເຊຍ" ໃຫ້ 7 ລ້ານຄອບຄົວ, ອຳນວຍບໍລິການສາທາລະນະສຸກວິຊາສະເພາະທີ່ຄ່າຕ່ຳສຸດ 1 ລິງກິດ ແລະອື່ນໆ. ນອກນີ້, ໃນ "ບົດລາຍງານຄວາມສຸກໃຈທົ່ວໂລກ 2017", ປະເທດຕົນໄດ້ຢູ່ອັນດັບທີ 4 ໃນບັນດາປະເທດແລະເຂດແຄວ້ນຢູ່ອາຊີທີ່ສຸກໃຈທີ່ສຸດ. ຂະນະທີ່ປະເທດຕົນ ໄດ້ຢູ່ອັນດັບນຳໜ້າກວ່າຍີ່ປຸ່ນ, ຣັດເຊຍ, ອີຕາລີ ແລະ ສ.ເກົາຫຼີ ເຊິ່ງສະແດງໃຫ້ເຫັນວ່າ ລັດຖະບານປະເທດຕົນບໍ່ພຽງແຕ່ໃຫ້ຄວາມສຳຄັນຕໍ່ການພັດທະນາປະທດເທົ່ານັ້ນ, ຫາກຍັງໃຫ້ຄວາມສຳຄັນຕໍ່ຄວາມເບີກບານມ່ວນຊື່ນ ແລະ ຄວາມປອງດອງຂອງປະຊາຊົນອີກດ້ວຍ.