ວັນທີ 21 ພະຈິກນີ້, ຢູ່ນະຄອນຫຼວງໂຊເຟຍ,ທ່ານອັນໂຕນີໂອ ຕາຈານີ ປະທານສະພາເອີລົບທີ່ພວມຢ້ຽມຢາມບຸນກາຣີກ່າວວ່າ, ສະຫະພາບເອີລົບພວມສຸມກຳລັງເສີມຂະຫຍາຍສາຍພົວພັນກັບປະເທດປານການ, ເນື່ອງຈາກນີ້ແມ່ນໜຶ່ງໃນຈຸດຍຸດທະສາດຫຼັກຂອງສະຫະພາບເອີລົບ.
ມື້ດຽວກັນ, ໃນການຖະແຫຼງຂ່າວຮ່ວມກັບທ່ານໂບຍກໍ ໂບຣີຊົຟ ນາຍົກລັດຖະມົນຕີບຸນກາຣີ, ທ່ານຕາຈານີກ່າວວ່າ, ເຂດປານການມີຄວາມໝາຍສຳຄັນຫຼາຍສຳລັບອະນາຄົດຂອງສະຫະພາບເອີລົບ ແລະ ສະຫະພາບເອີລົບກໍ່ສະໜັບສະໜູນບຸນກາຣີສຸມທຸກຄວາມພະຍາຍາມເພື່ອເຮັດໃຫ້ປະເທດປານການພາກຕາເວັນຕົກເຂົ້າເປັນສະມາຊິກສະຫະພາບເອີລົບ ເຊິ່ງບັນຫານີ້, ບຸນກາຣີຕ້ອງຈະເສີມຂະຫຍາຍບົດບາດສຳຄັນຂອງຕົນ.
ທ່ານໂບຣີຊົຟກ່າວວ່າ, ຖ້າປະເທດປາວການພາກຕາເວັນຕົກໄດ້ເຂົ້າເປັນສະມາຊິກມີຜົນດີຕໍ່ຄວາມໝັ້ນຄົງ, ສະເຖຍລະພາບ ແລະ ຄວາມຈະເລີນຂອງເຂດນີ້ ເຊິ່ງໃນ 6 ເດືອນຕົ້ນປີໜ້າ, ບຸນກາຣີຈະເປັນປະທານໝູນວຽນສະຫະພາບເອີລົບກໍ່ພ້ອມຊຸກຍູ້ໃຫ້ປະເທດປານການພາກຕາເວັນຕົກເຂົ້າເປັນສະມາຊິກແລະນີ້ແມ່ນວຽກງານການຕ່າງປະເທດຈຸດໜັກຂອງບຸນກາຣີໃນປີໜ້າ.
