ເມື່ອທ້າຍເດືອນຕຸລາຜ່ານມາ, ໃນລະບົບສຸລິຍະໄດ້ພົບແຂກມາເອງໂດຍບໍ່ໄດ້ຮັບເຊີນ ຄື ດາວນອກລະບົບລ່ວງເຂົ້າມາຢ່າງກະທັນຫັນ.ທັງນີ້ ກ້ອງຊ່ອງໂທລະທັດສັງເກດຈັກກະວານ NASA ທີ່ຕັ້ງຢູ່ເກາະຮາວາຍ ສະຫະລັດ ອາເມລິກາໄດ້ພົບດາວເຄາະນ້ອຍທີ່ "ທ່າຍ່າງ" ປິວຜິດປົກກະຕິດວງໜຶ່ງ ແລະເມື່ອວິໄຈຂໍ້ມູນແລ້ວພົບວ່າ ດາວເຄາະນ້ອຍດວງນີ້ບໍ່ຂຶ້ນກັບລະບົບສຸລິຍະ, ມັນຍາວປະມານ 400 ແມັດ, ເປັນຮູບຍາວຮຽວ ທີ່ຍາວ 10 ເທົ່າຂອງຄວາມກວ້າງ ເຊິ່ງເປັນອັດຕາສ່ວນທີ່ໃຫຍ່ກວ່າດາວຫາງ ຫຼື ດາວເຄາະນ້ອຍອື່ນໆ ທີ່ມະນຸດເຮົາສາມາດຄົ້ນພົບມາຮອດປັດຈຸບັນ.
