ກອງປະຊຸມລະດັບລັດຖະມົນຕີຖະແຫຼງຂ່າວຈີນ-ອາຊຽນທີ່ຫ້ອງການ ຖະແຫຼງຂ່າວຂອງລັດຖະບານຈີນ ເປັນເຈົ້າພາບຈັດຂຶ້ນຢູ່ເມືອງຊູໂຈ່ວແຂວງຈ່ຽງຊູຂອງຈີນໃນວັນທີ 22 ພະຈິກນີ້. ລັດຖະມົນຕີຫຼືຜູ້ຕາງ ໜ້າລັດຖະມົນຕີກະຊວງຖະແຫຼງຂ່າວ ຂອງຈີນ ກຳປູເຈຍ ອິນໂດເນເຊຍ ລາວ ມຽນມາ ຟິລິບ ປິນ ໄທ ແລະປະເທດໃນອາຊຽນອື່ນໆໄດ້ຫາລືກັນຢ່າງ ກວ້າງຂວາງກ່ຽວກັບການເພີ່ມທະວີການຮ່ວມມືໃນດ້ານຖະແຫຼງຂ່າວ, ການຊຸກຍູ້ການສ້າງປະຊາຄົມຮ່ວມຊາຕາກຳຈີນ-ອາຊຽນໃຫ້ແໜ້ນແຟ້ນກວ່າເກົ່າຫຼັງຈີນ ສຳເລັດກອງປະຊຸມໃຫຍ່ຄັ້ງທີ 19 ຂອງພັກ.
ທ່ານຈ່ຽງຈ້ຽນໂກ ຮອງຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນ ຫົວໜ້າຫ້ອງການຖະແຫຼງຂ່າວຂອງລັດຖະບານຈີນໄດ້ກ່າວ ໂດຍ ແນະນຳຜົນງານທີ່ສຳຄັນຂອງກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນ, ທັງກ່າວວ່າ, ພາຍໃຕ້ການຊີ້ນຳນຳພາຂອງແນວຄິດສີຈິ້ນຜິງກ່ຽວກັບ ສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ຈີນໄດ້ກ້າວເຂົ້າສູ່ສະໄໝໃໝ່ແຫ່ງການສ້າງສັງຄົມນິຍົມທີ່ມີສີສັນພິເສດຂອງຈີນ, ແລະໄດ້ເລີ່ມຂະບວນການໃໝ່ແຫ່ງການສ້າງປະເທດສັງຄົມ ນິຍົມທີ່ທັນສະໄໝ, ຂະນະດຽວກັນກໍຍິນດີເອົາການພັດທະນາຂອງຕົນພົວພັນກັບ ການພັດທະນາຂອງບັນດາປະເທດໃນອາຊຽນຢ່າງແໜ້ນແຟ້ນ, ຊຸກຍູ້ໃຫ້ຂໍ້ລິ ເລີ່ມ ໜຶ່ງແລວທາງໜຶ່ງເສັ້ນທາງເຊື່ອມຈອດກັບຍຸດທະສາດການພັດທະນາຂອງອາຊຽນຢ່າງເລິກເຊິ່ງ. ຂະແໜງການຖະແຫຼງຂ່າວຄວນຕັ້ງໜ້າເສີມຂະຫຍາຍບົດບາດ, ຊຸກຍູ້ສື່ ມວນຊົນຕ່າງໆພ້ອມກັນໂຄສະນາການປົກປັກຮັກສາສັນຕິພາບແລະຄວາມໝັ້ນຄົງຂອງອາຊີຢ່າງແຂງແຮງ, ຍົກໃຫ້ເຫັນຜົນປະໂຫຍດຈາກການຮ່ວມມື, ສົ່ງເສີມຄວາມມຸ່ງຫວັງໄປສູ່ຄວາມຈະເລີນຮຸ່ງເຮືອງ, ຊຸກຍູ້ແລະແລກປ່ຽນອາລິຍະທຳຂອງອາຊີເພື່ອສ້າງບັນຍາກາດທີ່ດີໃຫ້ແກ່ ພາກພື້ນແຫ່ງນີ້ເພື່ອພັດທະນາໄປພ້ອມກັນ.
ບັນດາຝ່າຍໄດ້ຫາລື ແລະເປັນເອກະພາບລົງນາມຂໍ້ລິເລີ່ມກ່ຽວກັບກອງປະຊຸມລະດັບລັດຖະມົນຕີຖະແຫຼງຂ່າວຈີນ-ອາຊຽນ ໂດຍໄດ້ສະແດງເຖິງຄວາມປາຖະໜາທີ່ດີງາມ ໃນການລົງເລິການຮ່ວມມືດ້ານຖະແຫຼງຂ່າວ ເຊິ່ງຂໍ້ລິເລີ່ມດັ່ງກ່າວລະບຸວ່າ, ຈີນ-ອາຊຽນຄວນເພີ່ມທະວີການແລກປ່ຽນ ແລະເຊື່ອມ ຈອດກັນລະຫວ່າງຂະແໜງການຖະແຫຼງຂ່າວ ແລະອົງການຈັດຕັ້ງຖະແຫຼງຂ່າວຕ່າງໆ, ພະຍາຍາຍາມເພີ່ມທະວີການຮ່ວມມືໃນຂົງເຂດພິມຈຳໜ່າຍ, ວິທະຍຸ, ຮູບເງົາ, ໂທລະພາບແລະສື່ໃໝ່, ຕັ້ງໜ້າລາຍງານຜົນງານ ແລະຄວາມຄືບໜ້າໃນທຸກຂົງເຂດຂອງຝ່າຍຕ່າງໆ, ສົ່ງເສີມການສົນທະນາກັນລະຫວ່າງອາລິຍະທຳທີ່ຕ່າງກັນໃນອາຊີ ແລະດຳເນີນການຄົ້ນ ຄວ້າດ້ານຄັງປັນຍາ ,ຊຸກຍູ້ການສ້າງເວທີແລກປ່ຽນສື່ມວນຊົນໃນຮູບແບບກົນໄກ ເຊັ່ນ: ສະຫະພັນຮ່ວມມືຖະແຫຼງຂ່າວ ໜຶ່ງແລວ ທາງໜຶ່ງເສັ້ນທາງ ແລະອື່ນໆ.
ນອກນີ້, ຜູ້ຮ່ວມປະຊຸມໄດ້ຫາລືກັນໂດຍປິ່ນອ້ອມຫົວ ຂໍ້ຂອງກອງປະຊຸມ. ໂອກາດດັ່ງກ່າວທ່ານບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງຂ່າວວັດທະນະທຳແລະທ່ອງທ່ຽວລາວກ່າວວ່າ, ພວກຂ້າພະເຈົ້າເຊື່ອມໝັ້ນວ່າ ມາດຕະການການສ້າງເປັນປະຊາຄົມຮ່ວມຊາຕາກຳຈີນ-ອາຊຽນທີ່ຈີນສະເໜີນັ້ນ ຈະສົ່ງຜົນປະໂຫຍດໃຫ້ບັນດາປະເທດໃນອາຊຽນ ແລະ ປະຊາຊົນຢູ່ໃນພາກພື້ນແຫ່ງນີ້. ຂະນະທີ່ທ່ານອັນ ດານາຣ ລັດຖະມົນຕີຖະແຫຼງຂ່າວຂອງສຳນັກງານປະທານາທິບໍດີຟິລິບປິນກ່າວວ່າ, ທ່ານປະທານສີຈິ້ນຜິງໄດ້ສະເໜີອອກມາວ່າສັງຄົມນິຍົມທີ່ມີສີສັນພິເສດຂອງຈີນໄດ້ເຂົ້າສູ່ຍຸກໃໝ່ ເຊິ່ງເຮັດໃຫ້ປະເທດທີ່ພວມພັດທະນາຕ່າງໆລວມທັງຟິລິບປິນມີຄວາມຫວັງຢ່າງຫຼວງຫຼາຍ, ແລະເຊື່ອວ່າ ຂໍ້ລິເລີ່ມ ໜຶ່ງແລວທາງ ໜຶ່ງເສັ້ນທາງຈະນຳເອົາໂອກາດຢ່າງມະຫາສານມາສູ່ ທົ່ວໂລກ.ສ່ວນທ່ານແກວກັນນາເຣັດ ລັດຖະມົນຕີກະຊວງຖະແຫຼງຂ່າວ ກຳປູເຈຍກ່າວວ່າ, ຫຼັງການແລກປ່ຽນກໍຫວັງວ່າ ຈະສາມາດຊຸກຍູ້ຄວາມເຂົ້າໃຈເຊິ່ງກັນແລະກັນ ແລະສົ່ງເສີມມິດຕະພາບລະຫວ່າງປະເທດຕ່າງໆ ເຮັດໃຫ້ການພົວພັນຄູ່ຮ່ວມຍຸດທະສາດຈີນ-ອາຊຽນມີເນື້ອ ໃນອຸດົມສົມບູນຂຶ້ນຕື່ມ. ນອກນີ້, ເຈົ້າໜ້າທີ່ຖະແຫຼງຂ່າວອິນໂດ ເນເຊຍ ມຽນມາ ແລະໄທຕ່າງກໍກ່າວວ່າ ກອງປະຊຸມຄັ້ງນີ້ມີຄວາມ ໝາຍສຳຄັນຕໍ່ການຮັດແໜ້ນມິດຕະພາບແລະການຮ່ວມມືລະຫວ່າງຈີນ-ອາຊຽນ
 |
