ຕາມຂ່າວCRI:ວັນທີ 24 ພະຈິກນີ້, ງານສັນຈອນວາງສະແດງປຶ້ມຈີນອາຊີຕາເວັນອອກສຽງໃຕ້ຄັ້ງທຳອິດຈັດໄດ້ໄຂຂຶ້ນຢູ່ສູນວາງສະແດງແຫ່ງຊາດພະລາຊີນີສິຣິກິດບາງກອກ, ໂດຍປຶ້ມຈີນກວ່າ 5 ໝື່ນປຶ້ມໄດ້ນຳມາວາງສະແດງຢູ່ປະລຸ່ມເຂດແມ່ນ້ຳຂອງລວມທັງໄທ, ກຳປູເຈຍ, ລາວແລະມຽນມາດ້ວຍຮູບແບບການວາງສະແດງຢູ່ຕ່າງປະເທດເປັນຄັ້ງທຳອິດ.
ງານວາງສະແດງປຶ້ມຢູ່ນະຄອນຫຼວງບາງກອກຈະດຳເນີນເປັນເວລາ 3 ວັນ, ໄດ້ວາງສະແດງປຶ້ມຊະນິດຕ່າງໆລວມທັງ "ຄຳເຫັນຂອງທ່ານສີຈິ້ນຜີງກ່ຽວກັບການປົກຄອງປະເທດແລະການຄຸ້ມຄອງຣັດ""ທ່ານສີຈິ້ນຜີງເລົ່າເລື່ອງ""ຫຼຸດພົ້ນຈາກຄວາມທຸກຍາກ" ແລະປຶ້ມອື່ນໆທີ່ເນັ້ນການບັນລະຍາຍທັດສະນະໃໝ່ແລະແນວຄວາມຄິດໃໝ່ດ້ານການປົກຄອງປະເທດແລະການຄຸ້ມຄອງຣັດຂອງສູນກາງພັກກອມມູນິດຈີນ, ແລະສະແດງເຖິງຄ່ານິຍົມໃຈກາງຂອງສັງຄົມນິຍົມຈີນໃນຍຸກປັດຈຸບັນ. ໄດ້ຕີຄວາມໝາຍຄວາມໃຝ່ຝັນຂອງຈີນແລະເລົ່າເລື່ອງຈີນຈາກແງ່ມຸມຕ່າງໆ, ໄດ້ໄຂປ່ອງຢ້ຽມທີ່ສຳຄັນໃຫ້ແກ່ປະຊາຊົນເຂດອາຊີຕາເວັນອອກສຽງໃຕ້ໃນການຮັບຮູ້ນຳສະພາບການພັດທະນາໃນປັດຈຸບັນນີ້ຂອງຈີນແລະສຳຜັດກັບວັດທະນະທຳຂອງຈີນ.
ຂ່າວແຈ້ງວ່າ, ປຶ້ມທີ່ນຳໄປສັນຈອນວາງສະແດງຢູ່ໄທ, ກຳປູເຈຍ, ລາວແລະມຽນມາເທື່ອນີ້ 1 ໝື່ນກວ່າຊະນິດ, 5 ໝື່ນກວ່າປຶ້ມຂະນະທີ່ນະຄອນຫຼວງບາງກອກຂອງໄທແມ່ນບ່ອນວາງສະແດງຕົ້ນຕໍຂອງງານວາງສະແດງຄັ້ງນີ້.