ນາຍົກຈີນຢ້ຽມຢາມຮົງກາຣີແລະເຂົ້າຮ່ວມກອງປະຊຸມນາຍົກລັດຖະມົນຕີຄັ້ງທີ 16 ຂອງອົງການຮ່ວມມືຊຽງໄຮ

ໂດຍຕອບສະໜອງຕາມຄຳເຊີນຂອງທ່ານວິກໂຕ ໂອບັນ ນາຍົກລັດຖະມົນຕີຮົງກາຣີແລະທ່ານດີມິຕຣີ ເມັດເວເດຟ ນາຍົກລັດຖະມົນຕີຣັດເຊຍ, ທ່ານຫຼີເຄີ້ສຽງ ນາຍົກລັດຖະມົນຕີຈີນໄດ້ຂີ່ຍົນພິເສດເດີນທາງຈາກນະຄອນຫຼວງປັກກິ່ງໃນຕອນເຊົ້າວັນທີ 26 ພະຈິກນີ້, ເພື່ອເຂົ້າຮ່ວມກອງປະຊຸມພົບປະລະຫວ່າງຜູ້ນຳຈີນ-ປະເທດເອີລົບກາງແລະຕາເວັນອອກຄັ້ງທີ 6 ທີ່ຈະຈັດຂຶ້ນຢູ່ນະຄອນຫຼວງບູດາແປັດສ໌ປະເທດຮົງກາຣີ,  ຢ້ຽມຢາມປະເທດດັ່ງກ່າວຢ່າງເປັນທາງການ, ແລະຈາກນັ້ນກໍເຂົ້າຮ່ວມກອງປະຊຸມສະພາມົນຕີຫົວໜ້າລັດຖະບານຄັ້ງທີ 16 ຂອງອົງການຮ່ວມມືຊຽງໄຮທີ່ຈະຈັດຂຶ້ນຢູ່ເມືອງໂຊຊີປະເທດຣັດເຊຍອີກດ້ວຍ.