ທ່ານສີຈິ້ນຜິງ ປະທານປະເທດຈີນໄດ້ສົ່ງໂທລະເລກສະແດງຄວາມເຫັນໃຈເຖິງທ່ານອັບເດວ ຟາຕາ ອານຊີຊີ ປະທານາທິບໍດີເອຢິບໃນວັນທີ 25 ພະຈິກນີ້, ເພື່ອສະແດງຄວາມເສົ້າສະຫຼົດໃຈຕໍ່ຜູ້ເສຍຊີວິດໃນເຫດການໂຈມຕີແບບກໍ່ການຮ້າຍຢ່າງຮຸນແຮງທີ່ເກີດຂຶ້ນຢູ່ສຸເຫຼົ່າແຫ່ງໜຶ່ງຢູ່ເມືອງອາຣິສແຂວງຊິໄນເໜືອປະເທດເອຢິບໃນວັນທີ 24 ພະຈິກນີ້, ແລະສະແດງຄວາມເຫັນໃຈຢ່າງສຸດຊຶ້ງມາຍັງທ່ານປະທານາທິບໍດີຊີຊີ, ຍາດຕິພີ່ນ້ອງຂອງຜູ້ເສຍຊີວິດແລະຜູ້ໄດ້ຮັບບາດເຈັບໃນເຫດການດັ່ງກ່າວ.
ໃນໂທລະເລກດັ່ງກ່າວ, ທ່ານສີຈິ້ນຜິງ ຊີ້ວ່າ, ຈີນຄັດຄ້ານລັດທິກໍ່ການຮ້າຍໃນທຸກຮູບແບບຢ່າງເດັດດ່ຽວ, ແລະກ່າວປະນາມຢ່າງຮຸນແຮງຕໍ່ເຫດການໂຈມຕີແບບກໍ່ການຮ້າຍຄັ້ງນີ້. ນອກນີ້, ຈີນເດັດດ່ຽວສະໜັບສະໜູນຄວາມພະຍາຍາມຂອງເອຢິບໃນການຮັກສາຄວາມໝັ້ນຄົງຂອງປະເທດແລະຕໍ່ຕ້ານລັດທິກໍ່ການຮ້າຍ.
 |
