ອະທິໄອຍາການເອຢິບອອກຖະແຫຼງການໃນວັນທີ 25 ພະຈິກນີ້ວ່າ, ເຫດການໂຈມຕີແບບກໍ່ການຮ້າຍທີ່ເກີດຂຶ້ນຢູ່ສຸເຫຼົ່າປະເທດຕົນໃນວັນທີ 24 ພະຈິກນີ້ໄດ້ເຮັດໃຫ້ຢ່າງໜ້ອຍເສຍຊີວິດ 305 ຄົນແລະບາດເຈັບ 128 ຄົນ. ຂະນະທີ່ຜູ້ກໍ່ເຫດໄດ້ຖືທຸງກຸ່ມ IS.
ສຸເຫຼົ່າທີ່ເປັນເປົ້າໝາຍການຫຼອນໂຈມຕີດັ່ງກ່າວຫ່າງຈາກນະຄອນອາຣິສເທດສະບານແຂວງຊິໄນໄປທາງຕາເວັນຕົກປະມານ 40 ກິໂລແມັດ. ໃນເວລາເກີດການໂຈມຕີ, ມີປະຊາຊົນພວມນະມັດສະການຢູ່ໃນສຸເຫຼົ່າຢ່າງຫຼວງຫຼາຍ.
ຖະແຫຼງການລະບຸວ່າ, ພວກກໍ່ການຮ້າຍທີ່ກໍ່ການໂຈມຕີຄັ້ງນີ້ມີປະມານ 25 ຫາ 30 ຄົນ, ເຂົາເຈົ້າໄດ້ຂີ່ລົດພາກສະໜາມ 5 ຄັນໄປເຖິງສຸເຫຼົ່າແລ້ວ, ຖິ້ມລູກລະເບີດແລະຍິງປືນໃສ່ສຸເຫຼົ່າ. ທັງກວັດແກວ່ງທຸງດຳທີ່ເປັນທຸກກຸ່ມ IS ຂະນະຍິງປືນ, ຫຼັງຈາກນັ້ນກໍຈູດເຜົາລົດຈຳນວນໜຶ່ງທີ່ຈອດຢູ່ເຂດອ້ອມຂ້າງສຸເຫຼົ່າແລ້ວຂີ່ລົດພາກສະໜາມໜີໄປ.
ມາຮອດປັດຈຸບັນ, ຍັງບໍ່ມີອົງການໃດໆອອກມາກ່າວອ້າງຄວາມຮັບຜິດຊອບຕໍ່ເຫດການໂຈມຕີດັ່ງກ່າວ.
 |
