ເຈົ້າໜ້າທີ່ກົມປະຕິບັດກົດໝາຍທາງທະເລມາເລເຊຍເປີດເຜີຍໃນວັນທີ 24 ພະຈິກນີ້ວ່າ, ກຳປັ່ນບັນທຸກນ້ຳມັນປາມ 3700 ໂຕນຂອງປະເທດຕົນຖືກປຸ້ນຢູ່ເຂດທະເລໃກ້ອິນໂດເນເຊຍ ແລະ ນ້ຳມັນໃນກຳປັ່ນຖືກລັກໝົດ.
ຖະແຫຼງການຂອງກົມດັ່ງກ່າວຂຽນວ່າ, ຕາມແຜນການ, ກຳປັ່ນລຳນີ້ ພ້ອມດ້ວຍກຳປັ່ນລາກແກ່ລຳໜຶ່ງຈະເດີນທາງໄປເມືອງເປນາງແຫຼມມາເລ ແລະ ຂະນະເດີນທາງກໍຖືກປຸ້ນຢູ່ເຂດທະເລມາເລເຊຍ ໂດຍພວກໂຈນໄດ້ຖືມີດ ແລະ ມັດລູກເຮືອທັງໝົດແລ້ວລາກແກ່ກຳປັ່ນລຳນີ້ໄປ.
ຖະແຫຼງການຂຽນວ່າ, ເຈົ້າໜ້າທີ່ອິນໂດເນເຊຍໄດ້ແຈ້ງຕໍ່ກົມປະຕິບັດກົດໝາຍທາງທະເລມາເລເຊຍໃນວັນທີ 23 ພະຈິກນີ້ວ່າ, ພົບກຳປັ່ນລຳນີ້ແລ້ວ ແລະ ລູກເຮືອ 6 ຄົນໃນກຳປັ່ນກໍປອດໄພດີ. ຂະນະດຽວກັນ, ເຈົ້າໜ້າທີ່ກົມດັ່ງກ່າວກ່າວວ່າ, ນ້ຳມັນປານແມທີ່ມີມູນຄ່າ 4 ລ້ານ 5 ແສນໂດລາຖືກລັກໄປໝົດແລ້ວ.
 |
