ທ້າວ ຈູ່ເຢ້ ຊາວເມືອງຂ່າຍຢວນແຂວງລຽວນິງ ສປ ຈີນ ເຄີຍເປັນກຳມະກອນສ້ອມແປງລົດຈັກແລະເນື່ອງຈາກລາວມັກເຮືອບິນມາແຕ່ນ້ອຍກໍເລີຍ ຝັນຢາກມີເຮືອບິນເປັນຂອງຕົນເອງ.ຈາກຄວາມມັກແລະຄວາມຝັນ, ລາວຈິ່ງໄດ້ຮ່ວມກັບສ່ຽວ 5 ຄົນທີ່ມີຄວາມມັກຄືກັນ ລົງມືຜະລິດຮ່າງເຮືອບິນໃນຕົ້ນປີນີ້. ທີມງານທີ່ປະກອບມີ 6 ຊີວິດນີ້ບໍ່ຮູ້ແຕ້ມແບບທັງບໍ່ມີຄວາມຮູ້ກົນຈັກ, ແຕ່ມີຄວາມຝັນຄືກັນເທົ່ານັ້ນ, ໄດ້ຕັດສິນໃຈເຮັດໂດຍໃຊ້ເວລາບໍ່ເຖິງປີແລະໃຊ້ເງິນ 8 ແສນຢວນ, ເຫຼັກ 40 ກວ່າໂຕນກໍສາມາດເຮັດໂຄງຮ່າງເຮືອບິນແອບັສ 320ລຳໜຶ່ງທີ່ຍາວ 37 ແມັດແລະກວ້າງ 36 ແມັດ(ລວມເຖິງປີກຍົນ).