ວັນທີ 27 ພະຈິກນີ້, ທ່ານນາງ ລິວເຢັນຕົ່ງ ຮອງນາຍົກລັດຖະມົນຕີຈີນໄດ້ພົບປະກັບທ່ານນາງ ມຸຮຳມັດ ຈຸສຸຟ ກັນລາ ຮອງປະທານາທິບໍດີອິນໂດເນເຊຍ ແລະໃນໂອກາດນີ້, ທ່ານນາງ ລິວເຢັນຕົ່ງກໍໄດ້ກ່າວວ່າ: ຈີນ ແລະອິນໂດເນເຊຍເປັນປະເທດກຳລັງພັດທະນາໃຫຍ່, ການເພີ່ມທະວີການຮ່ວມມືແບບຍຸດທະສາດໄດ້ສອດຄ່ອງກັບຜົນປະໂຫຍດສອງຝ່າຍ ແລະມີຜົນດີຕໍ່ສັນຕິພາບ ແລະສະຖຽນລະພາບ. ຈີນເອົາໃຈໃສ່ສູງຕໍ່ສາຍພົວພັນກັບອິນໂດເນເຊຍ ແລະຍິນດີຈັດຕັ້ງປະຕິບັດຄວາມເປັນເອກະພາບລະຫວ່າງປະມຸຸກລັດສອງປະເທດ ເພື່ອສົ່ງເສີມການເຊື່ອມຕໍ່ຍຸດທະສາດດ້ານການພັດທະນາ, ການຮ່ວມມືຕ່າງຝ່າຍຕ່າງມີຜົນປະໂຫຍດໃນຂົງເຂດຕ່າງໆພາຍໃຕ້ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ເພີ່ມທະວີການແລກປ່ຽນວຽກງານຫຼາຍຝ່າຍ ແລະຮ່ວມກັນຮັກສາຜົນປະໂຫຍດຂອງປະເທດກຳລັງພັດທະນາ. ນອກຈາກນີ້, ຈີນຍິນດີລົງເລິກການແລກປ່ຽນ ແລະການຮ່ວມມືດ້ານການສຶກສາ, ວິທະຍາສາດເຕັກນິກ, ວັດທະນະທຳ, ກີລາ, ການທ່ອງທ່ຽວ, ຊາວໜຸ່ມ ແລະຂົງເຂດອື່ນໆກັບອິນໂດເນເຊຍ.
ທ່ານນາງ ກັນລາໄດ້ສະແດງຄວາມຊົມເຊີຍຕໍ່ຜົນສຳເລັດອັນຈົບງາມຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 19 ຂອງພັກກອມມູນິດຈີນ ແລະສະແດງຄວາມຂອບໃຈຈີນ ທີ່ອະນຸຍາດໃຫ້ຮັກສາໝີແພນດາຢູ່ກັບປະເທດຕົນ. ຂະນະດຽວກັນຫວັງວ່າ ສອງຝ່າຍຈະຊຸກຍູ້ການຮ່ວມມືດ້ານເສດຖະກິດ-ການຄ້າ, ການລົງທຶນ, ພື້ນຖານໂຄງລ່າງ ແລະຂົງເຂດອື່ນໆ.