ວັນທີ 28 ພະຈິກນີ້, ສູນຮ່ວມມືດ້ານສິ່ງແວດລ້ອມແມ່ນ້ຳລ້ານຊ້າງ-ແມ່ນ້ຳຂອງໄດ້ສ້າງຕັ້ງຂຶ້ນຢູ່ນະຄອນຫຼວງປັກກິ່ງສປ ຈີນຢ່າງເປັນທາງການ ໂດຍຫວັງຊຸກຍູ້ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງ ຄື ຈີນ, ກຳປູເຈຍ, ຫວຽດນາມ, ລາວ, ມຽນມາ ແລະໄທຮ່ວມມືກັນຮັກສາສິ່ງແວດລ້ອມ ແລະລະບົບນິເວດ ເພື່ອການພັດທະນາແບບຍືນຍົງ.
ທ່ານຮວາງຣຸນຊິ່ວ ຮອງລັດຖະມົນຕີກະຊວງຮັກສາສິ່ງແວດລ້ອມຈີນກ່າວໃນພິທີດັ່ງກ່າວວ່າ: ໃນອະນາຄົດ, ຈາກການສະໜັບສະໜູນຂອງສູນຮ່ວມມືດ້ານສິ່ງແວດລ້ອມແມ່ນ້ຳລ້ານຊ້າງ-ແມ່ນ້ຳຂອງ, ທັງ 6 ປະເທດຈະຕັ້ງໜ້າວາງ "ຍຸດທະສາດການຮ່ວມມືດ້ານສິ່ງແວດລ້າມແມ່ນ້ຳລ້ານຊ້າງ-ແມ່ນ້ຳຂອງ", ຊຸກຍູ້ການຫາລືບັນຫານະໂຍບາຍສິ່ງແວດລ້ອມ, ຮ່ວມມືກັນຈັດຕັ້ງປະຕິບັດຕົວຈິງ, ປະຕິບັດໂຄງການ "ແຜນການແມ່ນ້ຳລ້ານຊ້າງ-ແມ່ນ້ຳຂອງແບບສີຂຽວ" ແລະສ້າງຮູບແບບການຮ່ວມມືໃໝ່ ເພື່ອສະໜັບສະໜູນການຮ່ວມມືໃນຂົງເຂດດັ່ງກ່າວຢ່າງຮອບດ້ານ.
 |
