ທ່ານສີຈິ້ນຜິງ ປະທານປະເທດຈີນໄດ້ນັດລົມໂທລະສັບກັບທ່ານໂດນັນ ທຣຳ ປະທານາທິບໍດີອາເມລິກາໃນວັນທີ 29 ພະຈິກນີ້ ໂດຍເນັ້ນວ່າ, ສອງປະເທດຈີນອາເມລິກາຕ້ອງຜັນຂະຫຍາຍຄວາມເປັນເອກະພາບກັນລະຫວ່າງປະມຸກລັດສອງປະເທດ, ວາງແຜນການໄປມາຫາສູ່ກັນລະຫວ່າງຂັ້ນສູງ ແລະ ຂັ້ນຕ່າງໆລະຫວ່າງສອງປະເທດເປັນຢ່າງດີ, ຈັດການສົນທະນາຮອບທີສອງ ຂອງ 4 ກົນໄກສົນທະນາລະດັບສູງຈີນ-ອາເມລິກາໃຫ້ດີ ແລະ ຈັດຕັ້ງປະຕິບັດສັນຍາ ແລະ ໂຄງການຮ່ວມມືລະຫວ່າງສອງປະເທດ. ສອງຝ່າຍຕ້ອງຮັກສາການຕິດຕໍ່ພົວພັນ ແລະ ປະສານງານຢ່າງແໜ້ນແຟ້ນກ່ຽວກັບບັນຫາສາກົນ ແລະ ພາກພື້ນທີ່ສົນໃຈຮ່ວມກັນ.
ທ່ານທຣຳໄດ້ສະແດງຄວາມຂອບໃຈອີກເທື່ອໜຶ່ງຕໍ່ການຕ້ອນຮັບຢ່າງອົບອຸ່ນຂອງທ່ານສີຈິ້ນຜິງໃນໂອກາດເດີນທາງຢ້ຽມຢາມຈີນ ແລະ ເຫັນດີຕໍ່ຄວາມເຫັນຂອງທ່ານສີຈິ້ນຜິງໃນການຕີລາຄາສູງຕໍ່ຜົນສຳເລັດໃນການຢ້ຽມຢາມ ແລະ ຊຸກຍູ້ສາຍພົວພັນຈີນ-ອາເມລິກາ.
ສອງຝ່າຍຍິນດີສືບຕໍ່ຮັກສາການແລກປ່ຽນຄວາມເຫັນກັບຝ່າຍຕ່າງໆ ເພື່ອຊຸກຍູ້ໃຫ້ບັນຫານິວເຄຼຍແຫຼມເກົາຫຼີກ້າວໄປສູ່ການເຈລະຈາແລະແກ້ໄຂໂດຍສັນຕິ.
 |
