ຕອນບ່າຍວັນທີ 3 ທັນວານີ້, ກອງປະຊຸມອິນເຕີເນັດໂລກຄັ້ງທີ 4 ທີ່ຈັດຂຶ້ນຢູ່ເມືອງອູເຈີ້ນ ແຂວງເຈີ້ຈ່ຽງ ສປ ຈີນໄດ້ເປີດເຜີຍຜົນງານວິທະຍາສາດເຕັກໂນໂລຊີທີ່ກ້າວໜ້າທັນສະໄໝ ດ້ານອິນເຕີເນັດຂອງໂລກ 2017 ຢ່າງເປັນທາງການໂດຍທ່ານອູເຮີສວນ ບັນດິດສະຖາບັນວິສະວະກຳຈີນ, ປະທານສະມາຄົມອິນເຕີເນັດຈີນໃຫ້ຮູ້ວ່າ: ນັບແຕ່ເດືອນຕຸລາປີຜ່ານມາເຖິງວັນສຸດທ້າຍຂອງການຮັບສະໝັກຜົນງານດ້ານວິທະຍາສາດເຕັກໂນໂລຊີ, ໄດ້ຮັບສະໝັກຜົນງານປະດິດສ້າງໃນຂົງເຂດອິນເຕີເນັດຈາກປະເທດຕ່າງໆເປັນຕົ້ນຈີນແລະອາເມລິກາເກືອບ 1000 ລາຍການ ແລະຫຼັງລົງຄະແນນສຽງມີ 18 ຜົນງານໂດດເດັ່ນປະຈຳປີ 2017 ເຊິ່ງກວມເອົາທັງ ລະບົບໂທລະຄົມ 3GPP 5G ທີ່ກຽມໃຊ້ທາງທຸລະກິດຂອງບໍລິສັດຫົວເຫວີຍ, ເຕັກນິກ ARM, ສະຕິປັນຍາທຽມ(AI)xiaoiceຂອງໄມໂຄຣຊ໊ອບ, ລະບົບນຳທາງດາວທຽມເປີຍໂຕ, ການລິງຂໍ້ມູນ 5G ທຳອິດຂອງໂລກທີ່ນຳໃຊ້ໝວດແຜ່ນຊິບ 5GຂອງບໍລິສັດQualcomm ແລະອື່ນໆ.