ກອງປະຊຸມສົນທະນາລະດັບສູງລະຫວ່າງພັກກອມມູນິດຈີນແລະພັກການເມືອງໃນທົ່ວໂລກໄດ້ອັດລົງຢູ່ນະຄອນຫຼວງປັກກິ່ງໃນວັນທີ 3 ທັນວານີ້, ທ່ານຢາງແຈສື ກຳມະການກົມການເມືອງສູນກາງພັກກອມມູນິດຈີນ, ທີ່ປຶກສາແຫ່ງລັດຈີນເຂົ້າຮ່ວມ.
ທ່ານຢາງແຈສື ກ່າວວ່າ, ສູນທອນພົດທີ່ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກ່າວໃນພິທີໄຂກອງປະຊຸມນັ້ນ, ໄດ້ບັນລະຍາຍຈຸດຢືນຂອງພັກກອມມູນິດຈີນກ່ຽວກັບການສ້າງປະຊາຄົມຮ່ວມຊາຕາກຳມວນມະນຸດ, ສະແດງໃຫ້ເຫັນເຖິງຄວາມຕັດສິນໃຈອັນເດັດດ່ຽວຂອງພັກກອມມູນິດຈີນພ້ອມຮ່ວມກັບພັກການເມືອງຕ່າງໆໃນທົ່ວໂລກເພື່ອຊຸກຍູ້ການພັດທະນາ, ແບ່ງປັນຄວາມຈະເລີນຮຸ່ງເຮືອງແລະຮ່ວມກຳຊາຕາກຳຂອງໂລກ. ຂະນະທີ່ບັນດາຝ່າຍກໍຕີລາຄາສູງຕໍ່ສູນທອນພົດຂອງທ່ານສີຈິ້ນຜິງ, ແລະເຫັນພ້ອມຕໍ່ການປະກອບສ່ວນທີ່ມີລັກສະນະປະຫວັດສາດຂອງພັກກອມມູນິດຈີນ, ລວມທັງຫວັງໃຫ້ຈີນ ເສີມຂະຫຍາຍບົດບາດການນຳພາຕື່ມອີກ.
ທ່ານຢາງແຈສືຊີ້ໃຫ້ເຫັນອີກວ່າ, ການທີ່ສ້າງປະຊາຄົມຮ່ວມຊາຕາກຳມວນມະນຸດ, ຮ່ວມກັນສ້າງໂລກທີ່ສວຍງາມແມ່ນພາລະກິດທີ່ຍິ່ງໃຫຍ່. ເຊິ່ງພັກການເມືອງແລະນັກການເມືອງຄວນແບກຫາບໜ້າທີ່ປະຫວັດສາດ, ສ້າງຕົນເປັນຜູ້ຮັກສາສັນຕິພາບຂອງໂລກ, ຜູ້ປະກອບສ່ວນດ້ານການພັດທະນາຂອງໂລກແລະຜູ້ຮັກສາລະບຽບສາກົນຕະຫຼອດໄປ; ຄວນເສີມຂະຫຍາຍການປະຕິບັດຕົວຈິງ, ມີຄວາມຮັບຜິດຊອບການເມືອງດ້ານຊີ້ນຳແນວຄິດ, ລະດົມຈິດໃຈແລະສຶກສາອົບຮົມຜູ້ມີຄວາມຮູ້ຄວາມສາມາດຢ່າງແທ້ຈິງ; ຄວນສ້າງສະຕິປະດິດສ້າງໃໝ່ຮອບດ້ານ, ຍຶດໝັ້ນສາຍຕາຫຼາຍຝ່າຍ, ສາຍຕາພັດທະນາແລະສາຍຕາເປີດປະຕູ; ຍຶດໝັ້ນຊີ້ນຳວິທີແກ້ໄຂບັນຫາ, ຊຸກຍູ້ສັນຕິພາບແລະພັດທະນາເຊິ່ງເປັນພາລະກິດສູງສົ່ງຂອງມວນມະນຸດຢ່າງບໍ່ຢຸດຢັ້ງ; ຄວນຕັ້ງໃຈສ້າງເວທີແລກປ່ຽນ, ເພື່ອເຮັດໃຫ້ຈິດໃຈຂອງປະຊາຊົນປະເທດຕ່າງໆໃກ້ຊິດກວ່າເກົ່າຢ່າງແທ້ຈິງ. ພັກກອມມູນິດຈີນຍິນດີປັບປຸງແລະລົງເລິກສາຍພົວພັນຮ່ວມມືມິດຕະພາບກັບພັກການເມືອງຂອງປະເທດຕ່າງໆ, ເພື່ອປະກອບສ່ວນກຳລັງຂອງພັກການເມືອງໃນການກໍ່ສ້າງປະຊາຄົມຮ່ວມຊາຕາກຳມວນມະນຸດແລະຮ່ວມກັນສ້າງໂລກທີ່ສວຍງາມ.
ໃນພິທີປິດປະຊຸມໄດ້ຮັບຮອງ "ຂໍ້ລິເລີ່ມປັກກິ່ງ"
 |
