ຄະນະຜູ້ແທນບໍລິສັດຜະລິດລົດໄຟອິນໂດເນເຊຍ 48 ຄົນໄດ້ເດີນທາງມາທັດສະນະສຶກສາຢູ່ສູນອົບຮົມຜູ້ມີຄວາມຮູ້ຄວາມສາມາດລົດໄຟຄວາມໄວສູງຈີນ ເພື່ອຊອກຮູ້ວິທີການອົບຮົມຜູ້ມີຄວາມຮູ້ຄວາມສາມາດດ້ານລົດໄຟຄວາມໄວສູງ, ເຕັກນິກ ແລະ ຕ່ອງໂສ້ຂອງຂະແໜງການລົດໄຟຄວາມໄວສູງ ພ້ອມທັງຊອກຫາໂອກາດຮ່ວມມື.
ຄະນະຜູ້ແທນດັ່ງກ່າວໄດ້ເດີນທາງດ້ວຍລົດໄຟຄວາມໄວສູງຈີນຈາກນະຄອນກວາງໂຈ່ວສູ່ະຄອນຫຼວງປັກກິ່ງ, ໄດ້ຢ້ຽມຊົມວິທະຍາໄລເຕັກນິກວິຊາຊີບລາງລົດໄຟຫຼິວໂຈ່ວ ແລະ ບໍລິສັດເອເລັກໂຕຣນິກທັນສະໄໝຈົ່ງເຊີຈູ່ໂຈ່ວ. ໂອກາດດັ່ງກ່າວ, ທ່ານມາດຽນນູສ໌ ປຣາມູດຢາ ຫົວໜ້າພະແນກການເງິນບໍລິສັດຜະລິດລົດໄຟອິນໂດເນເຊຍເປີດເຜີຍວ່າ, ທາງລົດໄຟຄວາມໄວສູງຈາກາຕາ-ບັນດຸງທີ່ອິນໂດເນເຊຍຮ່ວມມືກັບຈີນ ພວມເລັ່ງການກໍ່ສ້າງຢູ່ ເຊິ່ງຈະນຳເອົາຜົນປະໂຫຍດຢ່າງໃຫຍ່ຫຼວງໃຫ້ແກ່ປະເທດຕົນ ແລະ ຫວັງຮ່ວມມືກັບບໍລິສັດຈີນໃນການອົບຮົມຜູ້ມີຄວາມຮູ້ຄວາມສາມາດດ້ານຕ່າງໆ ເຊັ່ນ: ຄຸ້ມຄອງການຜະລິດລົດໄຟ, ຄວາມປອດໄພຂອງຜະລິດຕະພັນ, ການອົບຮົມຜູ້ບັນຊາລົດໄຟ ແລະອື່ນໆ.