ຈາກກໍລະນີທີ່ທ່ານໂດນັນ ທຣຳ, ປະທານາທິບໍດີອາເມລິກາຈະປະກາດຮັບຮອງເຢລູຊາແລມເປັນນະຄອນຫຼວງຂອງອິສຣາແອນນັ້ນໄດ້ເກີດປະຕິກິລິຍາຈາກປະເທດຕາເວັນອອກກາງເຊັ່ນປາແລັສຕິນ, ຊອກດານີ, ເອຢິບແລະອື່ນໆ, ຂະນະທີ່ສັນນິບາດອາຣັບກ່າວວ່າ, ການກະທຳຂອງອາເມລິກາອາດຈະສົ່ງຜົນເຮັດໃຫ້ເກີດ "ຜົນຮ້າຍຢ້ອນຫຼັງທີ່ອັນຕະລາຍ".
ທ່ານນາບິນ ອາບູ ໄດນາ, ໂຄສົກທຳນຽບປະທານາທິບໍດີປາແລັສຕິນກ່າວໃນຕອນຄ່ຳວັນທີ 5 ທັນວານີ້ວ່າ, ປະເທດຕົນເດັດດ່ຽວຄັດຄ້ານຂໍ້ຕົກລົງຂອງອາເມລິກາທີ່ຍ້າຍສະຖານທູດຈາກເຕລາວິຟຢາໂຟໄປເຢລູຊາແລມ, ເຊິ່ງຂໍ້ຕົກລົງດັ່ງກ່າວເປັນສັນຍານບອກວ່າອາເມລິກາຮັບຮອງເຢລູຊາແລມແມ່ນນະຄອນຫຼວງຂອງອິສຣາແອນຢ່າງເປັນທາງການ, ແລະການກະທຳດັ່ງກ່າວຈະສ້າງ "ຜົນຮ້າຍຢ້ອນຫຼັງຢ່າງໜັກໜ່ວງ" ຕໍ່ຄວາມໝັ້ນຄົງຂອງເຂດຕາເວັນອອກກາງກໍຄືຂອງໂລກ.
ໃນວັນທດຽວກັນທຳນຽບປະທານາທິບໍດີເອຢິບກໍໄດ້ອອກຖະແຫຼງການວ່າ, ປະທານາທິບໍດີປະເທດຕົນເຕືອນວ່າ, ແຜນການຍ້າຍສະຖານທູດປະຈຳອິສຣາແອນຈາກເຕລາວິຟຢາໂຟໄປເຢລູຊາແລມຂອງອາເມລິການັ້ນຈະເຮັດໃຫ້ "ສະຖານະການຕາເວັນອອກກາງສັບສົນກວ່າເກົ່າ".
ທ່ານອາມັດ ອັບດູນ ເກັດ, ເລຂາທິການໃຫຍ່ສັນນິບາດອາຣັບກ່າວໃນວັນດຽວກັນວ່າ, ແຜນການຂອງອາເມລິກາແມ່ນການກະທຳທີ່ອັນຕະລາຍ. ຖ້າຕົກລົງຈຶ່ງຈະສົ່ງຜົນກະທົບຢ່າງໜັກໜ່ວງຕໍ່ຄວາມໝັ້ນຄົງພແລະສະຖຽນລະພາບຂອງເຂດຕາເວັນອອກກາງ.
 |
