ສູນຄົ້ນຄວ້າທະເລຈີນໃຕ້ຈີນ-ອາຊີຕາເວັນອອກສຽງໃຕ້ຈັດກອງປະຊຸມປະຈຳປີຄັ້ງປະຖົມມະເລີກ

ກອງປະຊຸມສຳມະນາ "ໜຶ່ງແລວທາງໜຶ່ງເສັ້ນທາງກັບການພັດທະນາຮ່ວມຢູ່ເຂດທະເລຈີນໃຕ້"ແລະກອງປະຊຸມປະຈຳປີຂອງສູນຄົ້ນຄວ້າທະເລຈີນໃຕ້ຈີນ-ອາຊີຕາເວັນອອກສຽງໃຕ້ຄັ້ງປະຖົມມະເລີກໄດ້ຈັດຂຶ້ນຢູ່ເມືອງໄຫໂຂວແຂວງໄຫຫຼຳ ສປ ຈີນໃນວັນທີ 7 ທັນວານີ້ໂດຍເຈົ້າໜ້າທີ່ລັດຖະບານ, ຊ່ຽວຊານ, ນັກວິຊາການຂອງສະມາຄົມຜູ້ຊົງຄຸນວຸດທິແລະສະຖາບັນຄົ້ນຄວ້າຈາກຈີນ,ອິນໂດເນເຊຍ, ໄທ, ມາເລເຊຍ, ຫວຽດນາມ,ສິງກະໂປ, ຟີລິບປິນແລະປະເທດອື່ນໆ 70 ກວ່າທ່ານເຂົ້າຮ່ວມ.

ກອງປະຊຸມດັ່ງກ່າວຈະດຳເນີນເປັນເວລາ 2 ວັນໂດຍໄດ້ຄົ້ນຄວ້າຫາລືຫົວຂໍ້ຕ່າງໆເປັນຕົ້ນ ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ກັບການແລກປ່ຽນໃນພາກພື້ນ, ໂອກາດແລະສິ່ງທ້າທາຍຂອງເສັ້ນທາງສາຍໄໝທາງທະເລໃນສະຕະວັດທີ 21, ຄວາມປອດໄພຂອງການເດີນເຮືອ, ການເຊື່ອມຈອດທາງທະເລ, ການເຊື່ອໂຍງເສດຖະກິດຂອງພາກພື້ນທະເລຈີນໃຕ້ໃນຂອບຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ", ການພັດທະນາເສດຖະກິດສີຟ້າກັບການຮ່ວມມືໃນພາກພື້ນແລະອື່ນໆ.