ໃນຂະນະເຂົ້າຮ່ວມພິທີໄຂກອງປະຊຸມເວທີປຶກສາຫາລືດ້ານສິດທິມະນຸດໃຕ້-ໃຕ້ຄັ້ງທຳອິດທີ່ຈັດຂຶ້ນໃນວັນທີ 7 ທັນວານີ້, ທ່ານ ວາງຢີ້ ລັດຖະມົນຕີກະຊວງການຕ່າງປະເທດຈີນກ່າວປາໄສວ່າ: ນັບຕັ້ງແຕ່ສ້າງຕັ້ງປະເທດຈີນໃໝ່ເປັນຕົ້ນມາ ແລະພາຍໃຕ້ການນຳພາຂອງພັກກອມມູນິດຈີນ, ປະຊາຊົນຈີນໄດ້ສ້າງສິ່ງອັດສະຈັນແຫ່ງການພັດທະນາໃນປະຫວັດສາດຂອງມວນມະນຸດ, ໄດ້ເປີດເສັ້ນທາງທິດຕາເວັນອອກແບບທັນສະໄໝ. ພາລະກິດສິດທິມະນຸດຂອງຈີນໄດ້ຮັບຜົນສຳເລັດທີ່ປະຈັກຕໍ່ສາຍຕາຊາວໂລກ ແລະສິ່ງທີ່ສຳຄັນທີ່ສຸດຄືພວກເຮົາໄດ້ເດີນຕາມເສັ້ນທາງພັດທະນາສິດທິມະນຸດທີ່ມີສີສັນພິເສດຂອງຈີນຢ່າງເດັດດ່ຽວໜຽວແໜ້ນ.
ທ່ານ ວາງຢີ້ ກ່າວວ່າ: ນີ້ແມ່ນໜຶ່ງເສັ້ນທາງທີ່ຖືເອົາສະພາບຕົວຈິງຂອງປະເທດເປັນພື້ນຖານ. ພວກເຮົາໄດ້ຍຶດໝັ້ນການປະສົມປະສານສິດທິມະນຸດລະຫວ່າງລັກສະນະທົ່ວໄປແລະຄວາມເປັນພິເສດເຂົ້າກັນ,ຍຶດໝັ້ນການຊຸກຍູ້ສົ່ງເສີມປະຊາທິປະໄຕແລະສະພາບຊີວິດການເປັນຢູ່ກົມກຽວກັນ,ຍຶດໝັ້ນການປະສົມປະສານລະຫວ່າງສັນຕິພາບແລະການພັດທະນາ ທັງໄດ້ພົບເສັ້ນທາງພັດທະນາສິດທິມະນຸດທີ່ມີສີສນພິເສດຂອງຈີນ ເຊິ່ງເປັນເສັ້ນທາງທີ່ຖືເອົາປະຊາຊົນເປັນໃຈກາງ,ຖືເອົາການພັດທະນາເປັນວຽກສຳຄັນ,ຖືເອົາການປົກຄອງປະເທດຕາມກົດໝາຍເປັນພື້ນຖານ ແລະຖືເອົາການເປີດປະຕູເປັນກຳລັງແຮງ.