ຕາມຂ່າວ CRI: ງານຮ້ອງເພງມິດຕະພາບຈີນ-ອາຊຽນປີ 2017 ທີ່ວິທະຍຸສາກົນແຫ່ງປະເທດຈີນ(CRI)ແລະວິທະຍຸປະຊາຊົນເມືອງເຈິ້ງໂຈ່ວເປັນເຈົ້າພາບໄດ້ຈັດຂຶນຢູ່ສູນປະຊຸມສາກົນເມືອງເຈິ້ງໂຈ່ວ ເທດສະບານແຂວງເຫີໜານໃນຕອນຄ່ຳວັນທີ 8 ທັນວານີ້, ນັກຮ້ອງຈີນແລະ 10 ປະເທດອາຊຽນໄດ້ຮ່ວມກັນຮ້ອງເພງ ສົ່ງສຽງທີ່ສວຍງາມທີ່ສຸດແຫ່ງການຮ່ວມມືດ້ານວັດທະນະທຳຂອງພາກພື້ນໃນຍຸກໃໝ່, ເຊິ່ງກິດຈະກຳຄັ້ງນີ້ໄດ້ສຳເລັດລົງຢ່າງຈົບງາມ. ຫຼັງຈາກການສະແດງແລ້ວ, ຜູ້ຕາງໜ້າສື່ມວນຊົນ ແລະນັກຮ້ອງອາຊຽນໄດ້ໃຫ້ສຳພາດຕໍ່ນັກຂ່າວໂດຍກ່າວວ່າ ງານຮ້ອງເພງມິດຕະພາບຈີນ-ອາຊຽນຄັ້ງນີ້ເປັນເວທີທີ່ດີເພື່ອໃຫ້ 10 ປະເທດອາຊຽນແລະຈີນແລກປ່ຽນກັນ, ອັນໄດ້ເພີ່ມຄວາມເຂົ້າໃຈແລະມິດຕະພາບຕໍ່ກັນ, ແລະຫວັງວ່າກິດຈະກຳຮ້ອງເພງທີ່ມີຄວາມໝາຍນີ້ຈະໄດ້ສືບຕໍ່ຈັດຂຶ້ນໃນຕໍ່ໜ້ານີ້.
ທ່ານສຸລະເພັດ ແກ້ວວຽງຄຳ ອຳນວຍການໂທລະພາບລາວສຕາກ່າວວ່າ, ງານຮ້ອງເພງມິດຕະພາບຈີນ-ອາຊຽນຄັ້ງນີ້ເປັນກິດຈະກຳທີ່ດີຫຼາຍ. ທ່ານສະເໜີໃຫ້ສື່ມວນຊົນປະເທດຕ່າງໆທີ່ຮ່ວມກິດຈະກຳຄັ້ງນີ້ຈົ່ງຮ່ວມມືກັນເປັນຢ່າງດີແລະນຳໃຊ້ເຕັກນິກສື່ສານໃໝ່ ເພື່ອໃຫ້ຜູ້ຊົມອັນໄພສານຂອງ 10 ປະເທດອາຊຽນແລະຈີນຈະໄດ້ຊົມງານຮ້ອງເພງອັນອາລັງການີ້ເປັນຢ່າງດີ ເພື່ອໃຫ້ງານຮ້ອງເພງມິດຕະພາບຈີນ-ອາຊຽນໄດ້ຮັບການຮັບຮູ້ຢ່າງກວ້າງຂວາງກວ່າເກົ່າ.
ທ່ານນາງວິໄລລັກ ຮຸ່ງສະໄໝ ຜູ້ຕາງໜ້າວິທະຍຸໂທລະພາບແຫ່ງຊາດໄທຮູ້ສຶກມີກຽດທີ່ສຸດທີ່ໄດ້ມາຮ່ວມງານຮ້ອງເພງມິດຕະພາບຈີນ-ອາຊຽນສາມຄັ້ງຜ່ານມາ, ທ່ານເວົ້າວ່າ, ນີ້ຈະເປັນໂອກາດຮຽນທີ່ດີທີ່ສຸດ ເຊິ່ງສື່ມວນຊົນຈີນແລະ 10 ປະເທດອາຊຽນແມ່ນມີອະນາຄົດອັນກວ້າງໄກໃນການດຳເນີນການຮ່ວມມື. ວິທະຍຸໂທລະພາບແຫ່ງຊາດໄທ ກໍ່ຄືສື່ມວນຊົນຍິນດີມີສ່ວນຮ່ວມໃນການຮ່ວມມືແບບນີ້.
ນາງຊີລາ ນັກຮ້ອງມາເລເຊເຍຮູ້ສຶກດີໃຈທີ່ໄດ້ຮ່ວມຮ້ອງເພງນຳກັນກັບນັກຮ້ອງຜູ້ດີເດັ່ນຂອງຈີນແລະບັນດາປະເທດອາຊຽນ, ແລະໄດ້ພົບກັບແຟນເພງຂອງຕົນຢູ່ເມືອງເຈິ້ງໂຈວ, ທັງໄດ້ຜູກພັນມິດຕະພາບກັບເພື່ອນໃໝ່. ນາງເຫັນວ່າກິດຈະກຳຄັ້ງມມີຄວາມໝາຍຫຼາຍ.
ທ້າວຄຼິສຕິນ ບາດີອຸສຕາ ນັກຮ້ອງຟິລິບປິນຖືການເຂົ້າຮ່ວມງານຮ້ອງເພງຄັ້ງນີ້ເປັນປະສົບການທີ່ດີທີ່ສຸດຄັ້ງໜຶ່ງ, ແລະຮູ້ສຶກມີກຽດທີ່ໄດ້ເຕົ້າໂຮມກັບບັນດານັກຮ້ອງຜູ້ດີເດັ່ນຂອງຈີນແລະປະເທດອາຊຽນຢູ່ທີ່ເມືອງເຈິ້ງໂຈ່ວ, ຮ່ວມກັນຮ້ອງເພງແຫ່ງມິດຕະພາບ, ຫວັງວ່າຈະໄດ້ມີໂອກາດເຂົ້າຮ່ວມກິດຈະກຳແບບນີ້ອີກ.
ທ້າວເພັດເຕີລາ ສີຫົງປິ່ງ ເຫັນວ່າ, ງານຮ້ອງເພງມິດຕະພາບຈີນ-ອາຊຽນເປັນການປະດິດສ້າງທີ່ດີ.ການຮ້ອງເພງຢູ່ຈີນເປັນຄັ້ງທຳອິດເຮັດໃຫ້ລາວມີການຮັບຮູ້ຕໍ່ຈີນຢ່າງໃໝ່ອ່ຽມທີ່ຢູ່ເໜືອທີ່ຄາດໄວ້ຂອງຕົນເອງ, ຫວັງວ່າຈະມີໂອກາດໄປຈີນເລື້ອຍໆ.
ນາງໂດດີທັນຫວາ ນັກຮ້ອງຫວຍດນາມກ່າວວ່າ, ງານຮ້ອງເພງມິດຕະພາບຈີນ-ອາຊຽນແມ່ນເວທີແຫ່ງໜຶ່ງທີ່ດີເພື່ອສະແດງໃຫ້ເຫັນເຖິງການແລກປ່ຽນວັດທະນະທຳ, ຜ່ານຈາກງານຮ້ອງເພງຄັ້ງນີ້, ໄດ້ຊອກຮູ້ວັດທະນະທຳຈີນແລະບັນດາປະເທດອາຊຽນ, ຍັງໄດ້ເພີ່ມພູນມິດຕະພາບຕໍ່ກັນ. ພ້ອມກັນນັ້ນ ການສະແດງຮ່ວມກັບນັກຮ້ອງຂອງປະເທດຕ່າງໆກໍ່ແມ່ນໂອກາດຮ່ຳຮຽນຄັ້ງໜຶ່ງທີ່ເຮັດໃຫ້ລາວໄດ້ຮັບຮູ້ຫຼາຍສິ່ງຫຼາຍຢ່າງ, ແລະມີເພື່ອນໃໝ່ອີກ, ລາວດີໃຈຫຼາຍ ຫວັງວ່າຈະໄດ້ຮ່ວມກິດຈະກຳແບບນີ້ຫຼາຍຂຶ້ນ.
