ຕາມຂ່າວສານຊິ່ນຮວາ: ວັນທີ 9 ທັນວານີ້, ທ່ານວາງອີ້ ລັດຖະມົນຕີກະຊວງການຕ່າງປະເທດຈີນໄດ້ເຂົ້າຮ່ວມກອງປະຊຸມສຳມະນາສະຖານະການສາກົນແລະການຕ່າງປະເທດຂອງຈີນໃນປີ 2017 ທີ່ຈັດໂດຍສະຖາບັນຄົ້ນຄວ້າບັນຫາສາກົນຈີນແລະກອງທຶນຄົ້ນຄວ້າບັນຫາສາກົນຈີນ ທັງກ່າວປາໄສວ່າ: ພາຍໃຕ້ການນຳພາຂອງສູນກາງພັກ ທີ່ມີສະຫາຍສີຈີ້ນຜິງເປັນໃຈກາງ, ການຕ່າງປະເທດຂອງຈີນຈະມີໂສ້ມໜ້າໃໝ່, ແລະສະແດວງໃຫ້ເຫັນເຖິງການມີບົດບາດແລະຄວາມຮັບຜິດຊອບໃໝ່ໃນປີ 2018.
ທ່ານ ວາງອີ້ຍົກໃຫ້ເຫັນວ່າ, ປີ 2018 ແມ່ນປີທຳອິດໃນການຜັນຂະຫຍາຍແລະຈັດຕັ້ງປະຕິບັດຈິດໃຈກອງປະຊຸມໃຫຍ່ຜູ້ແທນທົ່ວປະເທດພັກກອມມູນິດຈີນຄັ້ງທີ 19. ພວກຂ້າພະເຈົ້າຈະຂະຫຍາຍຕາໜ່າງການພົວພັນຄູ່ຮ່ວມທົ່ວໂລກ, ຊຸກຍູ້ສ້າງການພົວພັນສາກົນແບບໃໝ່, ຊຸກຍູ້ການສ້າງປະຊາຄົມຮ່ວມຊາຕາກຳມວນມະນຸດ ໂດຍເລີ່ມຈາກປະເທດອ້ອມຂ້າງແລະປະເທດທີ່ພວມພັດທະນາ, ຊຸກຍູ້ການສ້າງໜຶ່ງແລວທາງໜຶ່ງເສັ້ນທາງຢ່າງຮອບດ້ານ ສ້າງຄວາມຜາສຸກໃຫ້ແກ່ທົ່ວໂລກໂດຍຜ່ານການຮ່ວມມືແບບຕ່າງຝ່າຍຕ່າງມີຜົນປະໂຫຍດ, ຕັ້ງໜ້າຊອກຫາວິທີແກ້ໄຂບັນຫາຈຸດຮ້ອນຕາມການເປັນສີສັນພິເສດຂອງຈີນ, ເພື່ອເສີມຂະຫຍາຍບົດບາດທີ່ມີລັກສະນະສ້າງສັນໃຫຍ່ຫຼວງກວ່າເກົ່າເພື່ອສະຖຽນລະພາບຂອງໂລກ, ຕິດແທດກັບສະພາບຕົວຈິງແລະຕອບສະໜອງຕາມຄວາມຕ້ອງການຂອງປະຊາຊົນຕື່ມອີກ, ເພີ່ມທະວີການຮັບໃຊ້ການພັດທະນາພາຍໃນປະເທດແລະປ້ອງກັນຜົນປະໂຫຍດຢູ່ຕ່າງປະເທດ, ສ້າງສະພາບການໃໝ່ດ້ານການຕ່າງປະເທດທີ່ມີສີສັນພິເສດຂອງຈີນ ໃນຖານະເປັນປະເທດໃຫຍ່ຢ່າງບໍ່ຢຸດຢັ້ງ.