ກອງປະຊຸມລະດັບລັດຖະມົນຕີຂອງອົງການການຄ້າໂລກ(WTO)ຄັ້ງທີ 11 ທີ່ຈະດຳເນີນເປັນເວລາ 4 ວັນໄດ້ໄຂຂຶ້ນຢູ່ນະຄອນຫຼວງບູນົສໄອເຣັດສ໌ປະເທດອາກຊັງຕິນໃນວັນທີ 10 ທັນວານີ້ ໂດຍຈະສຸມໃສ່ຫາລືຫົວຂໍ້ປະຊຸມຕ່າງໆເຊັ່ນ:ລະບົບການຄ້າຫຼາຍຝ່າຍແລະກະສິກຳ, ການອຳນວຍຄວາມສະດວກແກ່ການລົງທຶນ, ການຄ້າເອເລັກໂຕຣນິກແລະຫົວຂໍ້ອື່ນໆ.
ທ່ານ ໂຣເບີດໂຕ ອາເຈເວໂດ ຜູ້ອຳນວຍການໃຫຍ່ອົງການການຄ້າໂລກກ່າວວ່າ: ປັດຈຸບັນ, ການຂົ່ມຂູ່ຈາກລັດທິປົກປ້ອງການຄ້າມີຢູ່ທຸກແຫ່ງຫົນ,ການເຮັດໃຫ້ລະບົບການຄ້າດີຂຶ້ນຕື່ມອີກ,ເພື່ອໃຫ້ປະຊາຊົນໄດ້ຮັບຜົນປະໂຫຍດໃຫ້ຫຼາຍກວ່າເກົ່ານັ້ນເປັນເລື່ອງທີ່ສຳຄັນຫຼາຍ. ເຊື່ອວ່າກອງປະຊຸມຄັ້ງນີ້ຈະເພີ່ມທະວີລະບົບການຄ້າຫຼາຍຝ່າຍຕື່ມອີກ ແລະສົ່ງຜົນສະທ້ອນຢ່າງຕັ້ງໜ້າຕໍ່ການຄ້າຂອງໂລກ.
ປະທານາທິບໍດີຂອງ 4 ປະເທດຍັງໄດ້ເຊັນ "ຖະແຫຼງການບູນົສໄອເຣັດສ໌" ໂດຍມີຈຸດປະສົງເພື່ອຫຼຸດຜ່ອນຄວາມທຸກຍາກໂດຍຜ່ານການຄ້າທີ່ມີຄວາມກວ້າງຂວາງ,ສະເໝີພາບແລະມີຄວາມໂປ່ງໃສກວ່າເກົ່າ.
 |
