ຄະນະກຳມະການປະຫວັດສາດແຫ່ງຊາດຟິລິບປິນໄດ້ຈັດພິທີເປີດຜ້າສາກຮູບຫຼໍ່ທອງ "ນາງບຳເລີ" ສົງຄາມໂລກຄັ້ງທີ 2ອັນທຳອິດພາຍໃນປະເທດຕົນຢູ່ນະຄອນຫຼວງມານີລາໃນວັນທີ 8 ທັນວານີ້ ເພື່ອລະນຶກຜູ້ຖືກບັງຄັບເປັນ "ນາງບຳເລີ" ໃນກອງທະຫານຍີ່ປຸ່ນ 1000 ຄົນໃນສົງຄາມໂລກຄັ້ງທີ 2.
ປະທານຄະນະກຳມະການປະຫວັດສາດແຫ່ງຊາດຟິລິບປິນກ່າວວ່າ, ການສ້າງຮູບຫຼໍ່ທອງດັ່ງກ່າວແມ່ນເພື່ອເຮັດໃຫ້ຄົນທັງຫຼາຍຈື່ຈຳ "ນາງບຳເລີ" ໃນປາງສົງຄາມໄວ້ ແລະໃນປັດຈຸບັນ, "ນາງບຳເລີ" ທີ່ຍັງມີຊີວິດຢູ່ຍັງພະຍາຍາມຍາດແຍ່ງເອົາຄວາມເປັນທຳຢູ່.
ເດືອນທັນວາປີ 1941, ກອງທະຫານຍີ່ປຸ່ນໄດ້ບຸກເຂົ້າເກາະລູຊອນ (Luzon) ແລະໃນໄລຍະຍຶດຄອງຟິລິບປິນ, ກອງທະຫານຍີ່ປຸ່ນໄດ້ບັງຄັບໃຫ້ແມ່ຍິງຟິລິບປິນ 1000 ຄົນເປັນ "ນາງບຳເລີ". ປັດຈຸບັນ, ມີ "ນາງບຳເລີ" ປະມານ 70 ຄົນໃນຈຳນວນນັ້ນຍັງມີຊີວິດຢູ່.