ທ່ານວາຣາດິເມຍ ປູຕິນ ປະທານາທິບໍດີຣັດເຊຍກ່າວຢູ່ຖານທັບອາກາດຣັດເຊຍປະຈຳເຮເມມິມຂອງຊີຣີໃນວັນທີ 11 ທັນວານີ້ວ່າ, ຕົນໄດ້ອອກຄຳສັ່ງໃຫ້ທະຫານຣັດເຊຍຖອນອອກຈາກຊີຣີແລ້ວ.
ທ່ານປູຕິນກ່າວວ່າ, "ຂ້າພະເຈົ້າໄດ້ສັ່ງໃຫ້ລັດຖະມົນຕີກະຊວງປ້ອງກັນປະເທດແລະເສນາທິການໃຫຍ່ກຳລັງປະກອບອາວຸດຂອງຣັດເຊຍ, ເອີ້ນທະຫານຄືນສູ່ຖານທັບເດີມຂອງພວກເຂົາເຈົ້າ". ນອກນີ້ທ່ານຍັງເນັ້ນອີກວ່າ, ຖ້າວ່າອິດທິກຳລັງກໍ່ການຮ້າຍເກີດຂຶ້ນຢູ່ຊີຣີອີກເທື່ອໜຶ່ງ, ປະເທດຕົນຈະ "ດຳເນີນການໂຈມຕີພວກເຂົາໃນແບບທີ່ບໍ່ເຄີຍມີມາກ່ອນ."
 |
