ປີນີ້ແມ່ນປີຄົບຮອບປີທີ 80 ຂອງການເກີດເຫດການສັງຫານໝູ່ນານກິ່ງ. ໃນຕອນເຊົ້າວັນທີ 13 ທັນວານີ້, ພິທີໄວ້ອາໄລແຫ່ງຊາດເພື່ອລະລຶກເຖິງຜູ້ເສຍຊີວິດໃນເຫດການສັງຫານໝູ່ນານກິ່ງໄດ້ຈັດຂຶ້ນຢູ່ເມືອງນານກິ່ງດ້ວຍບັນຍາກາດໂສກເສົ້າແລະເຕັມໄປດ້ວຍຄວາມໝາຍ ໂດຍມີທ່ານ ສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດ, ປະທານຄະນະກຳມະການການທະຫານສູນກາງຈີນເຂົ້າຮ່ວມການດຳເນີນພິທີ.
ທ່ານ ຢູເຈີ້ງເຊີ່ງ ປະທານສະພາປຶກສາການເມືອງປະຊາຊົນແຫ່ງຊາດຈີນໄດ້ເຂົ້າຮ່ວມພິທີແລະກ່າວປາໄສວ່າ: ຫາກໄດ້ປະຫວັດສາດຢ່າງຖືກຕ້ອງ, ເຮົາຈຶ່ງຈະຮູ້ສ້າງອະນາຄົດທີ່ດີກວ່າເກົ່າ. ເພື່ອອະນາຄົດ, ພວກເຮົາຈຶ່ງຄວນຄ້ອງຈື່ປະຫວັດສາດໃຫ້ໄດ້;ເພື່ອລູກຫຼານພວກເຮົາ, ພວກເຮົາຄວນຈື່ເຫດການທີ່ເກີດຂຶ້ນກັບບັນພະບຸລຸດ;ເພື່ອຫຼີກເວັ້ນບໍ່ໃຫ້ເກີດເລື່ອງໂສກນາດຕະກຳທາງປະຫວັດສາດຂຶ້ນອີກຄັ້ງໃໝ່, ພວກເຮົາຈະພະຍາຍາມຢ່າງບໍ່ລົດລະເພື່ອສັນຕິພາບແບບຍາວນານຈົນກະທັ້ງແບບຖາວອນຂອງມວນມະນຸດ. ເພື່ອສັນຕິພາບ,ຈີນຈະຍຶດໝັ້ນເດີນຕາມເສັ້ນທາງແຫ່ງການພັດທະນາໂດຍສັນຕິຢ່າງສະເໝີຕົ້ນສະເໝີປາຍ, ບໍ່ວ່າຈະພັດທະນາຮອດລະດັບໃດກໍຕາມ,ຈີນກໍ່ຈະບໍ່ຫຼົງໃນອຳນາດແລະກ້າວຂຶ້ນເປັນເຈົ້າໂລກ ຈະບໍ່ຂະຫຍາຍອານາເຂດ,ຈະບໍ່ບັງຄັບໃຫ້ຊົນຊາດອື່ນປະເທດອື່ນປະສົບເຄາະຮ້າຍທີ່ໜ້າສັງເວດດັ່ງທີ່ຊົນຊາດເຮົາເຄີຍໄດ້ປະສົບໃນປະຫວັດສາດນັ້ນ.ຈີນຈະຍຶດຫຼັກໝັ້ນເຫຼົ່ານີ້ຕໍ່ໄປໃນອະນາຄົດ.
 |
