ວັນທີ 13 ທັນວານີ້, ອົງການຮ່ວມມືອິສລາມໄດ້ຈັດກອງປະຊຸມສຸດຍອດວິສາມັນຢູ່ນະຄອນຫຼວງອິສຕານບູນປະເທດຕວກກີແລະອອກຖະແຫຼງການຫຼັງກອງປະຊຸມ ໂດຍຮຽກຮ້ອງໃຫ້ປະເທດຕ່າງໆໃນໂລກຮັບຮອງປະເທດປາເລັສຕິນ ແລະ ຮັບຮອງເຢລູຊາເລັມຕາເວັນອອກເປັນ "ນະຄອນຫຼວງທີ່ຖືກຍຶດຄອງ" ຂອງປະເທດປາເລັສຕິນ. ຂະນະດຽວກັນ, ຍັງຮຽກຮ້ອງໃຫ້ສະພາຄວາມໝັ້ນຄົງອົງການສະຫະປະຊາຊາດປົກປ້ອງຖານະກົດໝາຍຂອງເຢລູຊາເລັມ ແລະ ສະກັດກັ້ນບໍ່ໃຫ້ອິສລາແອນຍຶດຄອງດິນແດນປາເລັສຕິນ.
ຖະແຫຼງການລະບຸວ່າ, ການຕົກລົງຂອງອາເມລິກາທີ່ຮັບຮອງເຢລູຊາເລັມເປັນນະຄອນຫຼວງຂອງປະເທດອິສລາແອນ "ເປັນໂມຄະ" ແລະ ກ່າວປະນາມການຕົກລົງແຕ່ຝ່າຍດຽວດັ່ງກ່າວຂອງທ່ານໂດນັນ ທຣຳ ປະທານາທິບໍດີອາເມລິກາ.
ອົງການຮ່ວມມືອິສລາມມີ 57 ປະເທດສະມາຊິກ ແລະ ມີກອງເລຂາຕັ້ງຢູ່ນະຄອນກິວດາປະເທດອາຣັບບີຊາອຸດິດ. ປັດຈຸບັນ, ຕວກກີເປັນປະເທດປະທານໝູນວຽນຂອງອົງການດັ່ງກ່າວ.
 |
