ເວທີປຶກສາຫາລືການຮ່ວມມືດ້ານການເງິນແລະພາສີຈີນ-ອາຊຽນຄັ້ງທີ 4 ໄດ້ຈັດຂຶ້ນຢູ່ນະຄອນໜານໜິງ ເຂດປົກຄອງຕົນເອງເຜົ່າຈ້ວງກວາງຊີ ສປ ຈີນໃນວັນທີ 14 ທັນວານີ້, ບັນດາຊ່ຽວຊານແລະນັກວິຊາການໄດ້ຮ່ວມກັນປຶກສາຫາລືກ່ຽວກັບການພັດທະນາ ແລະການຮ່ວມມືດ້ານການເງິນແລະພາສີເພື່ອປະກອບສ່ວນເຂົ້າໃນການສ້າງ "ໜຶ່ງແລວທາງໜຶ່ງເສັ້ນທາງ".
ທ່ານຫວາງລີ້ ປະທານສະມາຄົມສຶກສາພາສີສາກົນຈີນຢືນຢັນວ່າ: ຈີນ ແລະບັນດາປະເທດອາຊຽນຄວນສືບຕໍ່ລົງເລິກການຄົ້ນຄວ້າບັນຫາພາສີສາກົນໃນການສ້າງ "ໜຶ່ງແລວທາງໜຶ່ງເສັ້ນທາງ", ສ້າງເວທີປະສານງານດ້ານພາສີສາກົນຢ່າງມີປະສິດທິຜົນ, ປະສານສົມທົບກັນຢ່າງຕິດແທດຕົວຈິງໃນວຽກງານພາສີສາກົນເປັນຕົ້ນ ການຄຸ້ມຄອງພາສີສາກົນ ,ຮ່ວມກັນສ້າງນະໂຍບາຍພາສີແບບເປັນມິດກັນ, ປັບປຸງກົດລະບຽບພາສີສາກົນຄືນໃໝ່ ແລະອື່ນໆ.
ເວທີປຶກສາຫາລືການຮ່ວມມືດ້ານພາສີຈີນ-ອາຊຽນໄດ້ຈັດຂຶ້ນຢ່າງສຳເລັດຜົນມາແລ້ວ 3 ຄັ້ງ ແລະຖືກຈັດເຂົ້າໃນເວທີປຶກສາຫາລືຊັ້ນສູງຂອງງານວາງສະແດງສິນຄ້າຈີນ-ອາຊຽນຄັ້ງທີ 14 ໃນປີ 2017.