ວັນທີ 15 ທັນວານີ້ ກອງປະຊຸມລະດັບລັດຖະມົນຕີການຕ່າງປະເທດຄັ້ງທີ 3 ຂອງການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງໄດ້ຈັດຂຶ້ນ ຢູ່ເມືອງຕ້າຫຼີແຂວງຢຸນນານຂອງຈີນ. ທ່ານຫວາງອີ້ ລັດຖະມົນຕີ ກະຊວງການຕ່າງປະເທດຈີນ, ທ່ານບຼາໂຊຄຸນ ລັດຖະມົນຕີກະຊວງ ການຕ່າງປະເທດ ແລະການຮ່ວມມືສາກົນກຳປູເຈຍ, ທ່ານສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ສປປ ລາວ, ທ່ານດຸນ    ລັດຖະ ມົນຕີກະຊວງການຕ່າງປະເທດໄທ, ທ່ານເຈຍຕິງ ລັດຖະມົນຕີກະຊວງການຮ່ວມມືສາກົນມຽນມາ, ທ່ານຝານປິງມິງ ຮອງນາຍົກລັດຖະມົນຕີ ທັງເປັນລັດຖະມົນຕີກະຊວງການຕ່າງປະເທດ ຫວຽດນາມໄດ້ເຂົ້າຮ່ວມກອງປະຊຸມດັ່ງກ່າວ. ກອງປະຊຸມໄດ່ ຫວນຄືນຄວາມຄືບໜ້າຂອງ ການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງ, ໄດ້ວາງແຜນໃຫ້ແກ່ວຽກງານໃນຂັ້ນຕອນຕໍ່ໄປ ແລະໄດ້ທຳ ການກະກຽມໃຫ້ແກ່ການຈັດກອງປະຊຸມຜູ້ນຳຄັ້ງທີ 2.ກອງປະຊຸມດັ່ງກ່າວມີທ່ານຫວາງອີ້ ແລະທ່ານ ບຼາໂຊຄຸນເປັນປະທານຮ່ວມກັນ.

ທ່ານຫວາງອີ້ກ່າວວ່າ, ການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງແມ່ນກົນໄກຮ່ວມມືອະນຸ ພາກພື້ນແບບໃໝ່ທີ່ 6 ປະເທດຢູ່ລ່ອງແມ່ນ້ຳ ລ້ານຊ້າງ－ແມ່ນ້ຳຂອງສ້າງຂຶ້ນໂດຍຜ່ານການປຶກ ສາຫາລືຮ່ວມກັນ, ສ້າງສາຮ່ວມກັນແລະຊົມເຊີຍ ຜົນປະໂຫຍດຮ່ວມກັນ. ນັບແຕ່ສ້າງຕັ້ງຂຶ້ນໜຶ່ງ ປີປາຍມານີ້ ການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງໄດ້ຮັບຜົນງານພົ້ນເດັ່ນທີ່ປະຈັກຕາຄົນ, ກົນໄກນີ້ພວມເດີນໄປສູ່ລວງເລິກແລະລວງກວ້າງຢ່າງບໍ່ຢຸດຢັ້ງ.

ບັນດາລັດຖະມົນຕີການຕ່າງປະເທດທີ່ເຂົ້າຮ່ວມກອງປະຊຸມໄດ້ຢືນຢັນຜົນງານ ແລະຄວາມໄວການພັດທະນາຂອງການຮ່ວມມແມ່ນ້ຳ ລ້ານຊ້າງ－ແມ່ນ້ຳຂອງ ໂດຍເຫັນວ່າ, ການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງແມ່ນກົນໄກການຮ່ວມມືອະນຸພາກພື້ນແບບໃໝ່.ການຮ່ວມມືແມ່ນ້ຳລ້ານຊ້າງ－ແມ່ນ້ຳຂອງ ກັບກົນໄກຮ່ວມມືຢູ່ອະນາພາກພື້ນທີ່ມີຢູ່ໃນປັດຈຸບັນຕ່າງມີທ່າແຮງຂອງຕົນເອງ ສາມາດຊ່ວຍຊູຍູ້ໜູນກັນໄດ້ ແລະພັດທະນາ ໄປພ້ອມກັນ. ບັນດາຝ່າຍທີ່ຮ່ວມປະຊຸມເຫັນດີແຜນ ການແລະຂໍ້ສະເໜີ ຂອງຈີນກ່ຽວກັບ ການພັດທະນາຂອງແມ່ນ້ຳລ້ານຊ້າງ－ແມ່ນ້ຳຂອງໃນອະ ນາຄົດ, ແລະເຫັນດີຮ່ວມກັນ ສ້າງເຂດພັດ ທະນາເສດຖະກິດ ລ່ອງແມ່ນ້ຳລ້ານຊ້າງ－ແມ່ນ້ຳຂອງ, ຊຸກຍູ້ການສ້າງປະຊາຄົມຮ່ວມຊາຕາກຳຂອງປະເທດຢູ່ລຽບຕາມແມ່ນ້ຳລ້ານຊ້າງ－ແມ່ນ້ຳຂອງ ເພື່ອປະກອບສ່ວນຫຼາຍກວ່າເກົ່າໃນການສ້າງຄວາມຜາສຸກໃຫ້ແກ່ປະຊາຊົນໃນພາກພື້ນແຫ່ງນີ້.