ຫວ່າງກ່ອນນີ້ບໍ່ດົນ, ພະແນກການເງິນເຂດປົກຄອງຕົນເອງເຜົ່າຈ້ວງກວາງຊີໃຫ້ຮູ້ວ່າ, ປີ 2017 ເຂດກວາງຊີໄດ້ໃຊ້ງົບປະມານເກືອບ 100 ລ້ານຢວນເພື່ອຊຸກຍູ້ວຽກງານຊ່ວຍເຫຼືອ ແລະຄຸ້ມຄອງຜູ້ພະເນຈອນ ແລະຜູ້ຂໍທານ, ເພື່ອຮັບປະກັນສິດ ແລະຜົນປະໂຫຍດດ້ານຊີວິດພື້ນຖານຂອງກຸ່ມຄົນດັ່ງກ່າວ.
ຕາມຂ່າວແຈ້ງວ່າ, ປີ 2017, ອົງການປົກຄອງເຂດກວາງຊີໄດ້ໃຊ້ງົບປະມານ83 ລ້ານກວ່າຢວນເພື່ອຈັດຕັ້ງປະຕິບັດມາດຕະການຊ່ວຍເຫຼືອຜູ້ພະເນຈອນ ແລະຜູ້ຂໍທານ. ດ້ານໜຶ່ງ, ໃຫ້ການຊ່ວຍເຫຼືອດ້ານການດຳລົງຊີວິດ, ການປິ່ນປົວ, ການສຶກສາ, ສົ່ງກັບຄືນບ້ານເກີດ ແລະຈັດບ່ອນຢູ່ອາໄສຊົ່ວຄາວ; ໃນອີກດ້ານໜຶ່ງ, ໂດຍຜ່ານການຈັດຊື້ການບໍລິການເພື່ອສະໜັບສະໜູນໜ່ວຍງານວິຊາການດ້ານວຽກງານສັງຄົມໃຫ້ການບໍລິການທີ່ມີລັກສະນະສະເພາະ ແລະ ຫຼາຍຮູບການໃຫ້ແກ່ກຸ່ມຄົນທຸກຍາກ ເຊິ່ງລວມທັງຜູ້ພະເນຈອນ ແລະຜູ້ຂໍທານ, ຊຸກຍູ້ໃຫ້ທົ່ວສັງຄົມມີສ່ວນຮ່ວມເຂົ້າໃນການຊ່ວຍເຫຼືອວຽກງານໃນດ້ານນີ້.
 |
