ກຳປັ່ນປິ່ນປົວເຫິຜິງຟ່າງໂຈ່ວທະຫານເຮືອຈີນທີ່ປະຕິບັດໜ້າທີ່ພາລະກຳເພື່ອຄວາມປອງດອງກັນປີ2017 ໄດ້ເດີນທາງໄປຮອດນະຄອນຫຼວງຕີລີຂອງປະເທດຕີມໍແລສເຕ, ເລີ່ມຢ້ຽມຢາມສັນຖະວະໄມຕີເປັນເວເລາ 8 ວັນແລະໃຫ້ການບໍລິການປິ່ນປົວທາງມະນຸດສະທຳ. ວັນທີ 16 ທັນວານີ້, ກອງປິ່ນປົວທີ່ປະກອບດ້ວຍ 33 ຄົນໄດ້ຂຶ້ນເກາະອາທາວໂຣທີ່ໄກຈາກນະຄອນຫຼວງຕີລີປະມານ 30 ກິໂລແມັດ ເພື່ອໃຫ້ການປິ່ນປົວດ່ວນແກ່ປະຊາຊົນເທີງເກາະທີ່ຂາດເງື່ອນໄຂດ້ານການປິ່ນປົວ.
ແພດໝໍຈີນໄປຮອດເກາະນີ້ ບໍ່ພຽງແຕ່ໄດ້ແກ້ຄວາມເຈັບບວດຂອງຜູ້ເປັນພະຍາດເທົ່ານັ້ນ,ຍັງໃຫ້ກຳລັງໃຈແກ່ແພດໝໍເທີງເກາະ. ແພດໝໍເທິງເກາະເປັນແພດໝໍທົ່ວໄປ, ບໍ່ມີແພດໝໍວິຊາການ, ສ່ວນກອງປິ່ນປົວເຫິຜິງແມ່ນປະກອບດ້ວຍແພດໝໍວິຊາການ, ໄດ້ແກ້ໄຂຫຼາຍບັນຫາຂອງທ້ອງຖິ່ນ. ໃນວັນທີ 16 ທັນວາ, ກອງປິ່ນປົວຈີນໄດ້ໃຫ້ການບໍລິການປິ່ນປົວແກ່ປະຊາຊົນທ້ອງຖິ່ນ 484 ຄົນ, ທ່ານຊຸນທາວ ຫົວໜ້າກອງປິ່ນປົວເວົ້າວ່າ: "ຂ້າພະເຈົ້າເຊື່ອວ່າ ກິດຈະການປີ່ນປົວແບບນີ້ຈະເຮັດໃຫ້ປະຊາຊົນທ້ອງຖິ່ນຮູ້ຈັກກັບປະຊາຊົນຈີນຫຼາຍກວ່າເກົ່າ, ຈະເພີ່ມຄວາມເຂົ້າໃຈ, ແລະເພີ່ມໄມຕີຈິດມິດຕະພາບຂອງທັງສອງຝ່າຍ, ພ້ອມທັງຈະເປັນບົດຮຽນທີ່ດີໃຫ້ພວກເຮົາໃນການບໍລິການມະນຸດສະທຳ."
