ຍອດມູນຄ່າການສົ່ງອອກອາຍແກັສທຳມະຊາດຂອງບໍລິສັດອາຍແກັສທຳມະຊາດຣັດເຊຍໄດ້ສ້າງສະຖິຕິສູງສຸດໃນປີນີ້

ວັນທີ 16 ທັນວານີ້ ບໍລິສັດອາຍແກັສທຳມະດຊາດຮຸ້ນສ່ວນຣັດເຊຍແຈ້ງໃຫ້ຮູ້ວ່າ, ນັບມາຮອດເດືອນທັນວານີ້, ຍອດມູນຄ່າການສົ່ງອອກອາຍແກັສທຳມະຊາດຂອງບໍລິສັດຕົນໄດ້ບັນລຸ 184 ຕື້ 200 ລ້ານແມັດກ້ອນ, ເພີ່ມຂຶ້ນຫຼາຍກວ່າເວລາດຽວກັນຂອງປີຜ່ານມາ 8,3%, ຫຼາຍກວ່າລະດັບສະເລ່ຍຂອງໝົດປີຜ່ານມາ.

ເຈົ້າໜ້າທີ່ບໍລິສັດນີ້ກ່າວວ່າ, ຕາມສະຖິຕິເບື້ອງຕົ້ນ, ນັບແຕ່ວັນທີ 1 ມັງກອນຫາວັນທີ 15 ທັນວາປີນີ້ ຍອດຈຳນວນຜະລິດອາຍແກັສທຳມະຊາດໄດ້ເພີ່ມຂຶ້ນຫຼາຍກວ່າເວລາດຽວກັນຂອງປີຜ່ານມາເຖິງ 13,4% ເຊິ່ງເພີ່ມຂຶ້ນເປັນ 447 ຕື້ 900 ລ້ານແມັດກ້ອນ.

ປີ2016, ຍອດມູນຄ່າການສົ່ງອອກອາຍແກັສທຳມະຊາດຂອງບໍລິສັດນີ້ໄດ້ສ້າງສະຖິຕິໃໝ່ ເຊິ່ງບັນລຸເຖິງ 179 ຕື້ 300 ລ້ານແມັດກ້ອນ, ເພີ່ມຂຶ້ນຫຼາຍກວ່າປີ2015 12.5%. ທ່ານມີເລີ ຜູ້ອຳນວຍການໃຫຍ່ບໍລິສັດກ່າວວ່າ, ຍອດມູນຄ່າການສົ່ງອອກໃນປີນີ້ອາດຈະຫຼາຍກວ່າ 192 ຕື້ແມັດກ້ອນ.