ຕາມຂ່າວ CRI: ວັນທີ 15 ທັນວານີ້ຢູ່ນະຄອນຫຼວງມານີລາປະເທດຟີລິບປີນໄດ້ເປີດໂຄງການຮ່ວມມືສື່ມວນຊົນຈີນ-ຟີລິບປີອີກສອງໂຄງການໃໝ່ຄື: ການຮ່ວມຜະລິດລາຍການໂທລະພາບແລະຮູບເງົາແລະຮ່ວມກັນສ້າງລາຍການວິທະຍຸ.
ຜູ້ຕາງໜ້າຈາກວິທະຍຸສາກົນແຫ່ງປະເທດຈີນຫຼື CRI, ກົມຖະແຫຼງຂ່າວຂອງທຳນຽບປະທານາທິບໍດີຟີລິບປີນ, ສະຖານີໂທລະພາບແຫ່ງຊາດແລະວິທະຍຸກະຈາຍສຽງແຫ່ງຊາດທີ່ຂຶ້ນກັບກະຊວງຖະແຫຼງຂ່າວຟີລິບປີນແລະຜູ້ຕາງໜ້າຈາກຝ່າຍຕ່າງໆໄດ້ເຂົ້າຮ່ວມພິທີເປີດໂຄງການດັ່ງກ່າວ. ທ່ານຫູປ່າງເຊີ້ງ, ຮອງຜູ້ອຳນວຍການ CRIແລະທ່ານດິໂນ ອັນໂຕນິໂອ ຜູ້ອຳນວຍການສະຖານີໂທລະພາບແຫ່ງຊາດຟີລິບປີນໄດ້ຕາງໜ້າສອງຝ່າຍເຊັນສັນຍາຖ່າຍທຳຟິມສາລະຄະດີທີ່ມີຫົວຂໍ້ "ຊາວຟີລິບປີນຢູ່ປະເທດຈີນ", ແລະສັນຍາຮ່ວມມືສາຍ "ລະຄອນຈີນ" ທາງໂທລະພາບຟີລິບປິນ.
ນອກຈາກມີ CRIແລະວິທະຍຸກະຈາຍສຽງແຫ່ງຊາດຟີລິບປີນຍັງໄດ້ສ້າງຫ້ອງການຮ່ວມຢູ່ນະຄອນຫຼວງມານີລາ. ເລີ່ມແຕ່ເດືອນສິງຫາປີນີ້, ສອງລາຍການຊື່ວ່າ: ຊາວຟີລິບປີນຢູ່ປະເທດຈີນແລະທີ່ນີ້ແມ່ນປະເທດຈີນທີ່ຜະລິດໂດຍພະແນກພາສາຟີລິບປີນຂອງ CRI ຈະອອກອາກາດຢູ່ວິທະຍຸກະຈາຍສຽງແຫ່ງຊາດຟີລິບປີນ.