ກົມຕ້ານໄພພິບັດອິນໂດເນເຊຍເປີດເຜີຍໃນວັນທີ 18 ທັນວານີ້ວ່າ, ແຂວງຊາວາກາງປະເທດຕົນໄດ້ເກີດພູເຈື່ອນໃນມື້ດຽວກັນ, ປັດຈຸບັນມີຜູ້ເສຍຊີວິດ 8 ຄົນແລະໄດ້ຮັບບາດເຈັບ 8 ຄົນ.
ທ່ານຊຸໂຕໂປ ໂປໂນ ນຸໂກຣໂຮ ໂຄສົກກົມຕ້ານໄພພິບັດອິນໂດເນເຊຍເປີດເຜີຍວ່າ, ໃນຕອນເຊົ້າເວລາ 10 ໂມງວັນທີ 18 ທັນວານີ້, ພູໜ່ວຍໜຶ່ງຢູ່ແຄມແມ່ນ້ຳໃນເມືອງມະເກລັງແຂວງຊາວາກາງໄດ້ເຈື່ອນ, ເຮັດໃຫ້ກຳມະກອນຫຼາຍຄົນທີ່ພວມຊຸດບໍ່ແຮ່ຖືກຝັງທັນທີ.
ທ່ານຊຸໂຕໂປ ກ່າວວ່າ, ປັດຈຸບັນໄດ້ພົບສົບຜູ້ເສຍຊີວິດ 8 ຄົນແລ້ວ. ປະຈຸບັນຍັງບໍ່ຮູ້ຈຳນວນລະອຽດຂອງກຳມະກອນທີ່ເຮັດວຽກໃນເວລາເກີດອຸປະຕິເຫດວ່າມີເທົ່າໃດແລະຄາດວ່າຈຳນວນຜູ້ເສຍຊີວິດອາດຈະເພີ່ມຂຶ້ນຕື່ມອີກ. ປັດຈຸບັນໜ່ວຍກູ້ໄພທີ່ປະກອບດ້ວຍທະຫານຕຳຫຼວດ, ສູນກູ້ໄພແຫ່ງຊາດ, ກອງດັບເພີງແລະອາສາສະໝັກພວມເລັ່ງດຳເນີນວຽກງານກູ້ໄພຢ່າງເລັ່ງດ່ວນ.