ທ່ານຮາຣີ ໂຣເກີ ໂຄສົກປະທານາທິບໍດີຟີລິບປີນປະກາດໃນວັນທີ 19 ທັນວານີ້ວ່າ, ລັດຖະບານປະເທດຕົນໄດ້ຕົກລົງຖອນຕົວອອກຈາກການຊ່ວຍເຫຼືອທີ່ອົງການຊ່ວຍເຫຼືອອາເມລິກາສະໜອງໃຫ້ໃນມູນຄ່າ 430 ລ້ານໂດລາແລະຈະດຳເນີນເປັນເວລາ 5 ປີ.
ທ່ານຮາຣີ ໂລເກີກ່າວວ່າ, ລັດຖະບານຕົນໄດ້ຕົກລົງຍົກເລີກການຮ້ອງຂໍງວດທີສອງຕໍ່ການຊ່ວຍເຫຼືອດັ່ງກ່າວແລ້ວແລ້ວ, ຂະນະດຽວກັນກໍປະຕິເສດວ່າການຕົກລົງດັ່ງກ່າວແມ່ນກ່ຽວພັນເຖິງອາເມລິກາຕຳນິການເຄື່ອນໄຫວປາບປາມຢາເສບຕິດຂອງປະເທດຕົນທີ່ "ປະຫານຊີວິດຜູ້ຄ້າຂາຍຢາເສບຕິດເໜືອກົດໝາຍ".
ແຜນການຊ່ວຍເຫຼືອດັ່ງກ່າວຂອງອາເມລິກາໄດ້ອະນຸມັດເມື່ອປີ 2010, ງວດທຳອິດໄດ້ສິ້ນສຸດລົງໃນປີ 2016, ການຊ່ວຍເຫຼືອງວດທີສອງຟີລິບປີນຕ້ອງໄດ້ຮ້ອງຂໍອີກເທື່ອໜຶ່ງແລະອະນຸມັດຫຼັງກວດກາຂອງອາເມລິກາ, ມາດຕະຖານກວດກາລວມທັງສະພາບສິດທິມະນຸດແລະການປົກຄອງປະເທດດ້ວຍກົດໝາຍຂອງປະເທດຮ້ອງຂໍແລະອື່ນໆ.