ບົດລາຍງານສະບັບຫຼ້າສຸດທີ່ສະມາຄົມຂະແໜງການກາຕູນແລະຫົວຄິດປະດິດສ້າງອິນໂດເນເຊຍສະແດງໃຫ້ເຫັນວ່າ, ຂະແໜງການເກມແລະພາບກາຕຸນມີກຳລັງບົ່ມຊ້ອນຢ່າງໃຫຍ່ຫຼວງ, ມີຫວັງຈະກາຍເປັນພະລັງແຮງໃໝ່ທີ່ຊຸກຍູ້ພັດທະນາເສດຖະກິດອິນໂດເນເຊຍ.
ທ່ານອາເດຼນ ປະທານສະມາຄົມດັ່ງກ່າວກ່າວວ່າ, ປະເທດຕົນມີຜູ້ຫຼິ້ນເກມຫຼາຍກວ່າ 43 ລ້ານ 7 ແສນຄົນ, ປັດຈຸບັນແມ່ນຕະຫຼາດເກມໃຫຍ່ອັນດັບທີສອງຂອງອາຊີຕາເວັນອອກສຽງໃຕ້ແລະອັນດັບທີ 16 ຂອງໂລກ. ມູນຄ່າການຜະລິດຂອງຂະແໜງການເກມແລະກາຕູນຂອງປະເທດຕົນໃນປີ 2017 ບັນລຸເຖິງ 880 ລ້ານໂດລາສະຫະລັດ, ໄດ້ກວມ 1% ຂອງມູນຄ່າການຜະລິດໃນທົ່ວໂລກ.
ບົດລາຍງານສະເໜີວ່າ, ຂະແໜງການເກມແລະກາຕູນອິນໂດເນເຊຍຄວນເພີ່ມທະວີການຮ່ວມມືກັບວິສາຫະກິດນຳໜ້າຂະແໜງການດັ່ງກ່າວໃນໂລກ, ເພື່ອເຜີຍແຜ່ວັດທະນະທຳອິນໂດເນເຊຍໄປທົ່ວໂລກໂດຍຜ່ານເກມແລະກາຕູນ.
 |
