ຕາມຂ່າວ CRI: ເຫດການຕຳຫຼວດທະເລ ສ ເກົາຫຼີຍິງປືນໃສ່ເຮືອປະມົງຈີນທີ່ເກີດຂຶ້ນໃນຫວ່າງມໍ່ໆມານີ້, ທ່ານນາງຮ້ວາຊຸນຢິງ ໂຄສົກກະຊວງການຕ່າງປະເທດຈີນກ່າວໃນພິທີຖະແຫຼງຂ່າວທີ່ຈັດຂຶ້ນໃນວັນທີ 20 ທັນວານີ້ວ່າ, "ຈີນສະແດງຄວາມເປັນຫ່ວງຢ່າງໃຫຍ່ຕໍ່ການລາຍງານທີ່ກ່ຽວຂ້ອງ, ຈີນໃຫ້ຄວາມສຳຄັນສູງຕໍ່ວຽກງານຄຸ້ມຄອງການປະມົງທີ່ກ່ຽວຂ້ອງກັບຕ່າງປະເທດຕະຫຼອດມາ, ແລະໄດ້ຕັ້ງໜ້າປະຕິບັດມາດຕະການທີ່ບັງເກີດຜົນເພື່ອຮັກສາລະບຽບດ້ານການປະມົງຢູ່ເຂດທະເລທີ່ກ່ຽວຂ້ອງ. ຈີນຫວັງໃຫ້ ສ ເກົາຫຼີແກ້ໄຂບັນຫານີ້ຢ່າງເໝາະສົມ, ໃນຂະບວນການປະຕິບັດກົດໝາຍນັ້ນຢ່າໃຊ້ວິທີຮຸນແຮງທີ່ຂົ່ມຂູ່ເຖິງຄວາມປອດໄພຂອງຄົນ, ປົກປ້ອງຄວາມປອດໄພແລະສິດຜົນປະໂຫຍດທີ່ຊອບດ້ວຍກົດໝາຍຂອງຊາວປະມົງຈີນຢ່າງແທ້ຈິງ, ແລະເພີ່ມການແລກປ່ຽນກັບຈີນ, ຮ່ວມກັນຮັກສາລະບຽບດ້ານການປະມົງຢູ່ເຂດທະເລທີ່ກ່ຽວຂ້ອງ."
ຕາມສື່ມວນຊົນ ສ ເກົາຫຼີ ລາຍງານວ່າ, ຕຳຫຼວດທະເລ ສ ເກົາຫຼີໄດ້ຍິງປືນໃສ່ເຮືອປະມົງຈີນ 40 ກວ່າລຳຢູ່ເຂດເສດຖະກິດພິເສດທີ່ໃກ້ກັບແຂວງເຈລະນຳໃນຕອນເຊົ້າວັນທີ 19 ທັນວານີ້, ປັດຈຸບັນຍັງບໍ່ຮູ້ລາຍລະອຽດກ່ຽວກັບຄວາມເສຍຫາຍດ້ານຊີວິດແລະຊັບສິນຂອງຊາວປະມົງຈີນ.
 |
