ວັນທີ 21 ທັນວານີ້, ຢູ່ນະຄອນຫຼວງປັກກິ່ງ, ທ່ານ ຫວງຄຸ່ນໝິງ ກຳມະການກົມການເມືອງສູນກາງພັກກອມມູນິດຈີນ, ຫົວໜ້າຄະນະໂຄສະນາອົບຮົມສູນກາງພັກກອມມູນິດຈີນໄດ້ຕ້ອນຮັບຜູ້ຕາງໜ້າຕ່າງປະເທດທີ່ເຂົ້າຮ່ວມກອງປະຊຸມສຸດຍອດສື່ມວນຊົນຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ 2017 ທີ່ສຳນັກໜັງສືພິມປະຊາຊົນລາຍວັນຂອງຈີນເປັນເຈົ້າພາບ.
ທ່ານ ຫວງຄຸ່ນໝິງ ໄດ້ແຈ້ງໃຫ້ຮູ້ຜົນສຳເລັດທີ່ສຳຄັນຂອງກອງປະຊຸມໃຫຍ່ຂອງພັກກອມມູນິດຈີນຄັ້ງທີ 19 ແລະກ່າວວ່າຈີນຈະຍຶດໝັ້ນທັດສະນະຄະຕິທີ່ວ່າເປັນມິດຕໍ່ກັນ ມີຄວາມຈິງໃຈຕໍ່ກັນ ອະນຸເຄາະຕໍ່ກັນ ແລະ ໂອບອ້ອມອາລີ, ເດັດດ່ຽວພັດທະນາການຮ່ວມມືທີ່ມີໄມຕີຈິດມິດຕະພາບກັບ 5 ປະເທດແມ່ນ້ຳຂອງກໍຄືປະເທດອື່ນໆຢູ່ອ້ອມຂ້າງ,ຮ່ວມກັນສ້າງປະຊາຄົມຊາຕາກຳຂອງປະເທດແມ່ນ້ຳລ້ານຊ້າງ-ແມ່ນ້ຳຂອງ. ຫວັງວ່າສື່ມວນຊົນຂອງບັນດາປະເທດທີ່ກ່ຽວຂ້ອງຈະນຳໃຊ້ກອງປະຊຸມຄັ້ງນີ້ເປັນໂອກາດທີ່ດີ,ເພີ່ມທະວີການແລກປ່ຽນແລະຖອດຖອນບົດຮຽນເຊິ່ງກັນແລະກັນ,
ເພື່ອສ້າງພື້ນຖານປະຊາມະຕິແລະຫາງສຽງທີ່ໜັກແໜ້ນໃຫ້ແກ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.
ຜູ້ຕາງໜ້າຕ່າງປະເທດກ່າວວ່າ: ຫວັງວ່າຈະສາມາດລົງເລິກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ເພື່ອສ້າງຄວາມສົມບູນພູນສຸກໃຫ້ແກ່ປະຊາຊົນຂອງບັນດາປະເທດໃນພາກພື້ນຕື່ມອີກ.
 |
