ພິທີເຊັນສັນຍາໂຄງການງວດທຳອິດລະຫວ່າງກອງທຶນສະເພາະການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແລະກຳປູເຈຍໄດ້ຈັດຂຶ້ນຢູ່ກະຊວງການຕ່າງປະເທດກຳປູເຈຍໃນວັນທີ 21 ທັນວານີ້, ທ່ານຊົງໂປ່ ເອກອັກຄະລັດຖະທູດຈີນປະຈຳກຳປູເຈຍແລະທ່ານປຣັກ ສົກຄຸນ ລັດຖະມົນຕີກະຊວງການຕ່າງປະເທດກຳປູເຈຍໄດ້ຕ່າງໜ້າສອງຝ່າຍເຊັນສັນຍາດັ່ງກ່າວ. 16 ໂຄງການຂອງກຳປູເຈຍທີ່ເຊັນສັນຍາໃນຄັ້ງນີ້ໄດ້ຮັບທຶນທັງໝົດ 7 ລ້ານ 3 ແສນໂດລາ, ລວມມີຫຼາຍຂົງເຂດເຊັ່ນກະສິກຳ, ການທ່ອງທ່ຽວ, ການສຶກສາ, ການແລກປ່ຽນວັດທະນະທຳແລະອື່ນໆ.
ທ່ານຊົງໂປ່ ເອກອັດຄະລັດທະທູດຈີນປະຈຳກຳປູເຈຍກ່າວວ່າ, ໂຄງການຂອງກອງທຶນສະເພາະການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງງວດທຳອິດທີ່ກຳປູເຈຍຮ້ອງຂໍແລະໄດ້ຮັບອະນຸມັດແມ່ນຫຼາຍທີ່ສຸດ, ສະແດງໃຫ້ເຫັນທ່າທີຕັ້ງໜ້າແລະຄວາມຫ້າວຫັນເຂົ້າຮ່ວມຂອງກຳປູເຈຍຕໍ່ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ. ພວກເຮົາເຊື່ອວ່າ, ໂຄງການເຫຼົ່ານີ້ ຈະມີຜົນດີຕໍ່ກຳປູເຈຍເພີ່ມຄວາມໄວໃນການພັດທະນາແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນຢ່າງແນ່ນອນ, ແລະກໍຈະມີຜົນດີຕໍ່ການຮ່ວມມືຕ່າງຝ່າຍຕ່າງມີຜົນປະໂຫຍດແລະການພັດທະນາຮ່ວມກັນຂອງບັນດາປະເທດລຽບຕາມແມ່ນ້ຳລ້ານຊ້າງ-ແມ່ນ້ຳຂອງຢ່າງແນ່ນອນ.
ໂອກາດນີ້, ທ່ານປຣັກ ສົຄຸນກໍໄດ້ກ່າວສະແດງຄວາມຂອບໃຈການສະໜັບສະໜູນແລະການຊ່ວຍເຫຼືອຂອງຈີນທີ່ມີຕໍ່ປະເທດຕົນພ້ອມທັງຫວັງວ່າໂຄງການເຫຼົ່ານີ້ຈະສາມາດປະກອບສ່ວນຕໍ່ການພັດທະນາແບບຍືນຍົງ, ການເຊື່ອມຈອດກັນແລະການແລກປ່ຽນດ້ານວັດທະນະທຳຂອງບັນດາປະເທດລຽບຕາມແມ່ນ້ຳລ້ານຊ້າງ-ແມ່ນ້ຳຂອງ.
 |
