ສື່ມວນຊົນອາເມລິກາລາຍງານໃນວັນທີ 22 ທັນວານີ້ວ່າ: ອົງການສືບສວນແຫ່ງຊາດສະຫະລັດອາເມລິກາຫຼືFBI ໄດ້ມ້າງຄວາມເຈດຕະນາກໍ່ການໂຈມຕີແບບກໍ່ການຮ້າຍຕໍ່ເມືອງຊານຟຣານຊິສະໂກໃນໄລຍະບຸນນໍແອນ,ແລະຈັບໄດ້ຜູ້ຕ້ອງສົງໄສກໍ່ອາຊະຍາກຳ ທີ່ມີອາຍຸ 26 ປີຜູ້ໜຶ່ງ.
ຜູ້ຕ້ອງສົງໄສດັ່ງກ່າວເປັນຜູ້ຂັບລົດບັນທຸກຜູ້ໜຶ່ງ ຊື່ ເອວີຣິດ ອາຣອນ ແຈັມເຊີນ ເຂົາເຄີຍເປັນທະຫານປະຈຳການໃນກອງເຮືອສູ້ຊົນທາງບົກຂອງອາເມລິກາ. ຫຼັງຖືກຈັບ, ເຂົາໄດ້ຖືກສົ່ງໄປສານທ້ອງຖິ່ນເມືອງຊັກຣາແມນຕໍລັດກາລີຟໍເນຍແລ້ວໃນວັນທີ 22 ທັນວານີ້.
ຂ່າວແຈ້ງວ່າ, ທ້າວແຈັມເຊີນມີແຜນຈະກໍ່ເຫດລະເບີດຢູ່ທ່າກຳປັ່ນເລກ 39 ຂອງເມືອງຊານຟຣານຊິສະໂກທີ່ມີນັກທ່ອງທ່ຽວຫຼາຍທີ່ສຸດໃນໄລຍະບຸນນໍແອນ, ພ້ອມທັງຈະຍິງປະຊາຊົນຢູ່ອ້ອມຂ້າງໃນຂະນະທີ່ເກີດຄວາມວຸ້ນວາຍ.