ງານແລກປ່ຽນສິລະປະວັດທະນະທຳສາກົນ "ງີ້ວປັກກິ່ງທີ່ມີຊີວິດຊີວາຢູ່ອ້ອມໂຕ"ຄັ້ງທີ 3 ໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 23 ທັນວານີ້ໂດຍມີຈຸປະສົງເພື່ອເຜີຍແຜ່ງິ້ວປັກກິ່ງທີ່ເປັນສິລະປະຍອດຢ້ຽມແຫ່ງຊາດໃນປະຊາຊົນຂັ້ນຮາກຖານ ທັງສົ່ງເສີມການແລກປ່ຽນວັດທະນະທຳແລະການໄປມາຫາສູ່ກັນຢ່າງມີມິດໄມຕີລະຫວ່າງປະຊາຊົນຈີນແລະຕ່າງປະເທດ. ຊ່ຽວຊານ,ເພື່ອນມິດສາກົນ,ນັກສຶກສາຈາກ 22 ປະເທດເປັນຕົ້ນ ອັງກິດ,ເຢຍລະມັນ,ອົສຕຣາລີ,ແອັສປາຍ,ຫວຽດນາມ ແລະລາວ ພ້ອມດ້ວຍປະຊາຊົນຈີນແລະຕ່າງປະເທດໄດ້ເຂົ້າຮ່ວມກິດຈະກຳຄັ້ງນີ້.
ງານແລກປ່ຽນດັ່ງກ່າວໄດ້ຈັດໃຫ້ມີການບັນຍາຍຄວາມຮູ້, ການແລກປ່ຽນ, ການສອນງີ້ວປັກກິ່ງ, ການວາງສະແດງຜົນງານການສອນງີ້ວປັກກິ່ງ, ການສະແດງງີ້ວປັກກິ່ງແລະອື່ນໆເພື່ອເຮັດໃຫ້ແຂກ ທັງພາຍໃນແລະຕ່າງປະເທດສາມາດສຳຜັດກັບມົນສະເໜ່ທີ່ມີເອກະລັກພິເສດຂອງງີ້ວປັກກິ່ງຢ່າງໃກ້ຊິດ.
