ພິທີລົງນາມສັນຍາຮ່ວມມືຂອງງານຕະຫຼາດນັດຊາຍແດນຈີນ-ມຽນມາຄັ້ງທີ 16 ໄດ້ຈັດຂຶ້ນຢູ່ເມືອງຢຸ້ຍລີ້ ແຂວງຢຸນນານ ສປ ຈີນ ໃນຄືນວັນທີ 26 ທັນວານີ້ ເຊິ່ງໄດ້ລົງນາມ ສັນຍາການຮ່ວມມື 8 ໂຄງການທີ່ມີ ມູນຄ່າການລົງທຶນເຖິງ 11 ຕື້ 830 ລ້ານຢວນຫຼືປະມານ 1 ຕື້ 800 ລ້ານໂດລາສະຫະລັດ.
ໂຄງການຮ່ວມມືດັ່ງກ່າວກວມ ຫຼາຍຂົງເຂດເປັນຕົ້ນ ການຈໍລະຈອນສິນຄ້າຂ້າມຊາດ,ຂະແໜງການຜະລິດ,ວິທະຍາສາດເຕັກໂນໂລຊີຊີວະພາບ, ຂໍ້ມູນຂ່າວສານແລະອື່ນໆ, ໃນນີ້ ມີ 3 ໂຄງການຄື ເຂດນິຄົມອຸດສາຫະກຳcloud computing ຖານຂໍ້ມູນໃຫຍ່ປ່າຫຼວນ, ຖານຕ່ອງໂສ້SmartCloudສາກົນຈີນ-ມຽນມາຢຸ້ຍລີ້ແລະສູນຈໍລະຈອນສິນຄ້າສາກົນເຖິງຈຸ້ນຢຸ້ຍລີ້ ມີມູນຄ່າການລົງທຶນຫຼາຍກວ່າ 300 ລ້ານໂດລາສະຫະລັດ.
ຕາມສັນຍາ, ໂຄງການເຂດນິຄົມອຸດສາຫະກຳcloud computing ຖານຂໍ້ມູນໃຫຍ່ປ່າຫຼວນກວມເນື້ອທີ່ ປະມານ 10 ເຮັກຕາ ເຊິ່ງຈະສ້າງສູນບໍລິການຂໍ້ມູນຫຼາຍແຫ່ງເປັນຕົ້ນ: ສູນຂໍ້ມູນໃຫຍ່ວ່າດ້ວຍການຮັກສາຄວາມປອດໄພອາຊີຕາເວັນອອກສຽງໃຕ້, ສູນຂໍ້ມູນໃຫຍ່ຈໍລະຈອນສິນຄ້າສະມາດອາຊີຕາເວັນອອກສຽງໃຕ້ແລະອື່ນໆ.