ວັນທີ 26 ທັນວານີ້, ເຮືອ 6 ລຳໄດ້ແລ່ນອອກຈາກທ່າເຮືອກ່ວນເຫຼີຍ ສປ ຈີນ ເຊິ່ງເປັນຂີດໝາຍແຫ່ງການເລີ່ມຕົ້ນການຮ່ວມລາຕະເວນ-ປະຕິບັດກົດໝາຍຕາມລຳແມ່ນ້ຳຂອງລະຫວ່າງຈີນ, ລາວ, ມຽນມາ ແລະ ໄທຄັ້ງທີ 65 ຢ່າງເປັນທາງການ.
ການລາຕະເວນເທື່ອນີ້, 4 ປະເທດຈະລາດຕະເວນໂດຍແບ່ງອອກເປັນຍ່ານ ທັງປະສານກັບການຮ່ວມລາຕະເວນຕະຫຼອດທາງ ເຊິ່ງເລີ່ມຕົ້ນຈາກທ່າເຮືອກ່ວນເຫຼີຍ ຈົນຮອດເຂດສາມຫຼ່ຽມຄຳ ທີ່ເປັນຈຸດຄົບເສັ້ນຊາຍແດນລະຫວ່າງລາວ, ມຽນມາ ແລະ ໄທ ຍາວທັງໝົດ 500 ກວ່າກິໂລແມັດ.ລະຫວ່າງການລາດຕະເວນ, ຝ່າຍຕ່າງໆຈະໃຊ້ຫຼາຍວິທີປະສານກັນ ເຊັ່ນກວດກາຕາມຈຸດກຳນົດ, ລາດຕະເວນກວດກາ ແລະ ຮ່ວມກັນສືບຂ່າວ ເພື່ອເພີ່ມຄວາມເຂັ້ມງວດໃນການຮ່ວມລາດຕະເວນແລະປະຕິບັດກົດໝາຍ, ປາບປາມອາຊະຍາກຳຂ້າມຊາດຕ່າງໆ ເຊັ່ນ ການຄ້າຂາຍເຖື່ອນ ແລະ ລັກລອບເຂົ້າເມືອງ ທີ່ເກີດຂຶ້ນຕາມລຳແມ່ນ້ຳຂອງ ເພື່ອຮັບປະກັນຄວາມໝັ້ນຄົງແລະຄວາມສະຫງົບຕາມເຂດລ້ອງແມ່ນ້ຳຂອງ.
