ວັນທີ 29 ທັນວານີ້, ໂບດແຫ່ງໜຶ່ງຢູ່ນະຄອນຫຼວງເລີແກປະເທດເອຢິບ ໄດ້ເກີດເຫດການໂຈມຕີກໍ່ການຮ້າຍ, ສົ່ງຜົນເຮັດໃຫ້ 10 ກວ່າຄົນເສຍຊີວິດເປັນຢ່ງໜ້ອຍ ແລະຫຼາຍຄົນຖືກບາດເຈັບ. ຈາກນັ້ນ, ທ່ານອັບເດວຟາຕາ ອານ ສິສິ ປະທານາທິບໍດີເອຢິບກ່າວວ່າ: ການໂຈມຕີກໍ່ການຮ້າຍຈະບໍ່ສາມາດບັ່ນທອນຄວາມຕັດສິນໃຈຂອງປະຊາຊົນປະເທດເອຢິບໃນການກຳຈັດລັດທິກໍ່ການຮ້າຍໃຫ້ໝົດກ້ຽງ.
ວັນທີ 29 ທັນວານີ້, ທ່ານອັນໂຕນີໂອ ກຸເຕີຣິສ ເລຂາທິການໃຫຍ່ອົງການສະຫະປະຊາຊາດໄດ້ອອກຖະແຫຼງການໂດຍຜ່ານໂຄສົກຂອງຕົນໂດຍກ່າວປະນາມເຫດການໂຈມຕີກໍ່ການຮ້າຍ ແລະຮຽກຮ້ອງໃຫ້ຈັບຜູ້ກໍ່ເຫດມາປະຕິບັດກົດໝາຍໂດຍໄວ.
ມື້ດຽວກັນ, ທ່ານອາມັດ ອັບດຸນ ແກດ ເລຂາທິການໃຫຍ່ສັນນິບາດອາຣັບໄດ້ອອກຖະແຫຼງການໂດຍກ່າວປະນາມເຫດການດັ່ງກ່າວ ແລະຮຽກຮ້ອງໃຫ້ບັນດາປະເທດອາຣັບ ແລະກຳລັງສາກົນຈົ່ງຮ່ວມມືກັນເພື່ອປານປາມລັດທິກໍ່ການຮ້າຍ.
ໂບດມາມີນາຕັ້ງຢູ່ເຂດເຮວວັນພາກໃຕ້ນະຄອນຫຼວງເລີແກໄດ້ຖືກຜູ້ປະກອບອາວຸດທີ່ບໍ່ຮູ້ອັດຕະລັກຫຼອນໂຈມຕີໃນມື້ດັ່ງກ່າວ, ຢ່າງໜ້ອຍເຮັດໃຫ້ 10 ຄົນເສຍຊີວິດ ແລະຫຼາຍຄົນຖືກບາດເຈັບ. ຈາກນັ້ນສື່ມວນຊົນລາຍງານວ່າ: ກຸ່ມ IS ເປີດເຜີຍໂດຍຜ່ານຂ່າວສານອາມັກວ່າ ຕົນເປັນຜູ້ກໍ່ເຫດການໂຈມຕີດັ່ງກ່າວ.
 |
